枱距有保持合適間距,唔會聽到隔離枱對話, 一讚!
兩位經理彬彬有禮, 仲識講笑氹得屋企人幾開心,感覺不錯!
最後點左個set meal,言語間經理透露食物都係師傅即叫即製,
所以需要小小時間等待,
傾傾下計, 其實食物好快就到,
＊普洱香茶
先來一口香茶,醒神解膩,迎接黎緊既美食!
＊杏香荔蓉帶子酥
外皮佈滿杏片, 帶子飽滿香嫩,配上特製醬汁,不錯!差D忘記影相!
＊花膠菜膽龍皇杏汁白肺湯
花膠白肺足料! 感覺滋潤, 舒暢!媽咪仲講笑, 皮膚好似即刻令左!
＊薑汁炒芥蘭
份量剛好, 清菜過後就準備重點的鮑魚!
＊原隻南非九頭鮑魚鮑汁撈麵
鮑魚軟燸香甜, 撈麵爽口, 假如有生菜伴碟撈汁,相信更加舐舐脷!
＊水晶桂花糕
略帶小甜,傳統糕點, 屋企人至愛!
＊陳皮紅豆沙
有時候會怕陳皮味太重的紅豆沙,呢個味道適中,亦唔太甜,幾好!
閒時小聚一餐, 媽咪幾鐘意,
酒店環境, 小小儀式感,
見媽咪一路chill下,一路分享圖片比朋友,
有時快樂就係咁簡單!
離開時見到隔壁台蜜汁叉燒, 好似幾吸引,
下次再黎試!
