校長燒肉日韓料理 (觀塘廣場)

營業中

休息中

今日約咗舊同學一齊去觀塘廣場逛逛買電子產品，然後吃《校長燒肉》 食燒肉放題，聚舊一番大家都有好多話題。門口機械人迎接你，入內見到花茶養生區，好正！全部是自助形式，肚餓先去刺身區，赤蝦、希靈魚、三文魚、八爪魚及螺肉等，新鮮，多款選擇。烤肉種類都唔少，牛仔骨、牛肉、 叉燒、金沙骨等等，豬腩片好快熟，好香口，好欣賞佢嘅雞軟骨，有兩種口味，睇見隔離枱，一次過放落十多二十粒雞軟骨，燒一陣，兜亂，好快熟，軟骨鈣質豐富。呢度仲有迷你火鍋，揀咗鴛鴦煲，一邊豬骨濃湯，另一邊壽喜燒，呢個梗係食肥牛啦；揀啲蔬菜淥熟食，唔使燒烤，豐富纖維好健康，番茄，秋葵，都係健康之選；出面嘅飲品櫃選擇多，梗有一款啱你，有我至愛嘅茶類，都有罐裝飲品；醬料區睇下你有咩需要，燒烤肉類有啲係醃好咗，我揀咗有柚子蜜，減一減熱氣；熟食區有炒蔬菜、豬紅、豬手、小籠包等等，炸物都有唔少選擇，應有盡有，都未能全部食得晒；甜品有芝士蛋糕，冰粉，雪糕等等；最後來個養生花茶，玫瑰+普洱，仲可以慢慢傾慢慢歎。