灣景廳

第一次起openrice 留comment, 就供獻咗比灣景廳, 因為真係食的好開心好開心~~~適逢是日是小妹嘅生日, 友人便把我帶到這兒慶祝! 6:45pm 入座, 人不算太多, 加上餐廳都幾寬敞, 燈光柔和, 完全沒有焗促的感覺, 好舒服~!我們一開始便向刺身及生蠔區出發, 雖然唔係即叫即切 / 開, 不過都幾新鮮呀!! 熱盤方面, 由於佢咃做緊鵝肝promo, 所以有好多鵝肝嘅菜式, 個人認為鵝肝漢堡同鵝肝炒飯非常好味, 小妹encore咗三轉, 正! 反而即煎鵝肝就好一般, 太肥膩啦~~~最令我哋驚喜嘅就係估唔到2百幾蚊嘅buffet, 竟然有haagen-daz雪糕食, 超捧啊~~~仲有好多mini-cakes, 賣相雖然不太好, 不過食落又唔錯喎~~正所謂'食物不可以貌相' 當然如果presentation 好一點會更加吸引啦!!!總括而言, 2百幾蚊可以食到鵝肝, 海鮮同haagen-daz雪糕, 絕對係物超所值。朋友請得開心, 我又食的放心, 皆大歡喜~我哋一定會再返來食!