富寶會所私房菜

營業中

休息中

我哋閨蜜四姊妹終於聚頭，三寶同四寶上年移民之後，今個星期返嚟。我同大寶一早決定，要搵個地方又可以打麻雀，又可以食嘢。😁話晒我哋分開之前最後一次聚會都係打麻雀。🤪之前都係我哋去大家屋企，而家我哋個個屋企有晒化骨龍，冇得嚮屋企打。所以我同大寶一早就物色地方，搵到呢間私房菜，網上話又好味又有得包房打雀，今日嚟到真係好正。🤭一入到房見到電視顯示welcome back，原來大寶同餐廳夾定，指定語句顯示響大螢幕，連我都無講，當然驚喜又感動！大寶仲話海鮮要提前預訂，佢今日都訂咗啦！我哋四個可以先打麻雀，再出去享受晚餐，真係好開心！白灼海赤米蝦呢度菜好特別，海赤米蝦蝦殼脆薄，肉質鮮甜彈牙，連殼原隻享用都可以，點埋嘅醬汁食，鮮味更提升一層。豉椒炒蘇格蘭蟶子蟶子肉質非常肥厚，好大隻，鮮味十足，用豉椒炒更添惹味！京蔥爆牛肉牛肉薄切，牛味夠濃，呢道菜炒得好有鑊氣，配埋京蔥炒，成道菜好香，送飯一流，我哋不停添飯。