影片
更多
2022-10-16
58 瀏覽
同朋友慶祝生日，大家都話大家係後生仔女，咁當然要去一啲後生仔女鍾意打卡嘅地方，上網見到呢一間餐廳咁多特色食品，雖然有少少懷疑會唔會係打手，盡地一鋪，要去過先知。去到地下有職員好有禮貌幫我對對資料，然後叫我哋上3樓，一上到去見到地方唔算好大，但係裝修好有特色，仔女見到都好開心。由於一心嚟食打卡菜式，所以即刻order餐牌上面嘅龍蝦湯飯刺身二食，刺身shooter, 啤酒拉麵。當然唔少得特色飲品，包括芒果烏龍茶，北海道士多啤梨乳酸。個刺身Shooter上枱嘅時候有三色燈閃下閃下，好有氣氛，即刻舉機拍攝。刺身好新鮮，有碎吞拿魚，海膽，同埋生蠔，三樣都好味。餐廳經理好細心，建議我哋叫多一份，等每一個人都可以試到，不過我地爸爸仔女都唔食刺身，所以禮貌地婉拒經理一番心意。個啤酒拉麵打卡真係一流，上邊白色嘅似係有芝士味嘅忌廉，好滑。個面都彈牙唔會太淋。龍蝦刺身有氣派，一上枱又係打卡嘅焦點。特色飲品好靚，而且好清新味道好好。兩個人食啱啱好。二食做咗個龍蝦湯飯，但係湯唔多，俾飯索晒，有少少似risotto，飯入邊有啲本菇同豆腐仲有蔬菜粒，都幾豐富。拆開兩個龍蝦鉗撈飯食非常好。經理都有推介特色和牛，但係朋
去到地下有職員好有禮貌幫我對對資料，然後叫我哋上3樓，一上到去見到地方唔算好大，但係裝修好有特色，仔女見到都好開心。
由於一心嚟食打卡菜式，所以即刻order餐牌上面嘅龍蝦湯飯刺身二食，刺身shooter, 啤酒拉麵。當然唔少得特色飲品，包括芒果烏龍茶，北海道士多啤梨乳酸。
個刺身Shooter上枱嘅時候有三色燈閃下閃下，好有氣氛，即刻舉機拍攝。刺身好新鮮，有碎吞拿魚，海膽，同埋生蠔，三樣都好味。餐廳經理好細心，建議我哋叫多一份，等每一個人都可以試到，不過我地爸爸仔女都唔食刺身，所以禮貌地婉拒經理一番心意。
個啤酒拉麵打卡真係一流，上邊白色嘅似係有芝士味嘅忌廉，好滑。個面都彈牙唔會太淋。
龍蝦刺身有氣派，一上枱又係打卡嘅焦點。
特色飲品好靚，而且好清新味道好好。兩個人食啱啱好。
二食做咗個龍蝦湯飯，但係湯唔多，俾飯索晒，有少少似risotto，飯入邊有啲本菇同豆腐仲有蔬菜粒，都幾豐富。拆開兩個龍蝦鉗撈飯食非常好。
經理都有推介特色和牛，但係朋友唔食牛，如果喺佢哋面前食好似唔係太好。
忌廉薯條好味，忌廉好滑。
原本經理都有叫我哋叫麵包蟹炒飯，但係因為爹哋唔食海鮮同刺身，我哋會留返下次再嚟先食。要叫一啲佢食得嘅嘢，所以叫咗唔同嘅串燒。豚肉三色椒，同埋豚肉年糕有驚喜，仔女好鍾意。
之後仲試咗雜錦天婦羅同埋烏冬，好飽。姐埋單嘅時候先知道原來Openrice嘅優惠係有限制嘅，所以用唔到，不過最後經理俾咗個驚喜我哋，幫我哋做咗一個特別優惠，多謝晒，真係好開心，下次會同其他朋友再嚟。
芒果烏龍茶
7 瀏覽
0 讚好
0 留言
天婦羅
2 瀏覽
0 讚好
0 留言
龍蝦刺身
$448
5 瀏覽
0 讚好
0 留言
張貼
