同人鍋 (已結業)

農曆新年係華人社會的大節，亦係最講意頭的節日。近年香港興起來自獅城的撈起，其實香港又點會冇？同班大半年冇見朋友一齊出黎食飯，諗左好耐，都係冇咩好選擇，突然見到網上有人介紹同人鍋的雞煲package，即刻諗起打邊邊都係撈下撈下咁，仲要又有雞又有龍蝦又有海鮮，撈得幾過癮，諗起得興奮，所以立即book檯食飯。位於山林道的同人鍋，其實由佐敦MTR行去都係幾分鐘。坐底第一個感覺係好乾淨，老老實實，平時去親雞煲店都係勁大味，衛生又麻麻地，但同人鍋就幾好，餐廳好大，空間感好夠，食飯吹水都幾好。人齊後我地先叫左個雞煲先，個雞煲入面係啖啖肉，冇咩雞碎，唔錯。佢地仲建議我地加粗薯粉，係好食o既，配搭上係有D驚喜。可惜我地嗌左微辣，只係輕輕食到佢個種辣味，但作為唔係好食得辣的我黎講係相當唔錯。之後，我地叫左個龍蝦湯底的火鍋，入面係原隻筷子咁長的龍蝦，相當震撼，個湯底好香好鮮貼。另外店員送上一個海鮮拼盤，有鮑魚、有象拔蚌仔，上檯時真係有D眼闊肚窄的感覺，後悔之前雞煲食大左。不得不提，我覺得海鮮配雞煲的湯其實都唔錯，呢個係我意料之外。