影片
更多
2014-06-29
2843 瀏覽
農曆新年之前幾日,公司提早放農曆新年假期,去左長洲週圍行,除左去故鄉茶寮食紅豆餅及手卷,亦都去左新照記茶餐小食店買懷舊糕點因過年關係,允升甜品當日已經收爐,冇得食芒果糯米滋,另一間天然甜品我去到時候已經提早收舖,冇得食芒果水晶卷及芒果湯丸,至於洲啤工房又話食團年飯提早收舖,下午四點去到都冇得食巨薯棒 雖然好多野都冇得食,不過可以試下長洲大魚蛋 ,之前去工展會,見到有小食檔賣長洲大魚蛋,可見呢o的大魚蛋幾特別,工展會小食檔真係問長洲魚蛋檔拎貨黎賣其實島上好多檔都有得賣大魚蛋,個個都話自己先係正宗,有檔「時來食坊」有電視明星做代言人都幾多人幫襯,真係花多眼亂,梗係諗住搵間最好食啦 甘永泰魚蛋係最具規模,有四,五個舖位,見到舖外成枱都係魚蛋,真係好壯觀 仲有墨魚丸,白魚蛋,鯪魚球,蝦丸,魚肉釀豆卜等小食可供選擇,除左可以即場買黎食,客人亦可以外賣一斤斤返屋企自已煮平時冇乜買街邊魚蛋小食,今次難得黎到長洲不妨一試啦,當日大約 4pm去到只係得幾個人排隊,聽講假日人龍係好長架 呢o的長洲大魚蛋一串只係得兩粒, $10一串,話貴唔貴,話平唔平,同平時市區一串魚蛋份量差唔多由於不停有客人幫
因過年關係,允升甜品當日已經收爐,冇得食芒果糯米滋,另一間天然甜品我去到時候已經提早收舖,冇得食芒果水晶卷及芒果湯丸,至於洲啤工房又話食團年飯提早收舖,下午四點去到都冇得食巨薯棒
雖然好多野都冇得食,不過可以試下長洲大魚蛋 ,之前去工展會,見到有小食檔賣長洲大魚蛋,可見呢o的大魚蛋幾特別,工展會小食檔真係問長洲魚蛋檔拎貨黎賣其實島上好多檔都有得賣大魚蛋,個個都話自己先係正宗,有檔「時來食坊」有電視明星做代言人都幾多人幫襯,真係花多眼亂,梗係諗住搵間最好食啦
甘永泰魚蛋係最具規模,有四,五個舖位,見到舖外成枱都係魚蛋,真係好壯觀
仲有墨魚丸,白魚蛋,鯪魚球,蝦丸,魚肉釀豆卜等小食可供選擇,除左可以即場買黎食,客人亦可以外賣一斤斤返屋企自已煮
平時冇乜買街邊魚蛋小食,今次難得黎到長洲不妨一試啦,當日大約 4pm去到只係得幾個人排隊,聽講假日人龍係好長架
呢o的長洲大魚蛋一串只係得兩粒, $10一串,話貴唔貴,話平唔平,同平時市區一串魚蛋份量差唔多
由於不停有客人幫襯,全部即叫即炸,我想買一串大魚蛋,見到店員阿姐拎起兩串放入油爐,由於爐火唔算猛,所以要耐心等候,等左大約一,兩分鐘先炸好
店員用紙氏包住串魚蛋俾我,除左保持衛生,仲可以吸走多餘o既油 小食店外有個公園仔,可以坐o係度食長洲大魚蛋
因為即叫即炸,食落去熱辣辣,外皮炸得幾脆,金黃色,幾香,內裡雪白魚肉都夠嫩,味道鮮美 ,咬落都好彈牙,鹹度剛好呢粒長洲大魚蛋真係幾大,一粒要分三啖食先可以 KO
魚蛋本身o既味道已經足夠,幾好食 ,呢間甘永泰魚蛋唔會提供甜醬,辣醬,咖喱汁或豉油等醬料俾食客,若果平時要撈滿醬汁先食o既人肯定失望 睇返 OpenRice 其他人相片,似乎呢間小食店o既大魚蛋係呢一年半先開始有得賣
長洲大魚蛋雖然唔平,不過一分錢一分貨,又係長洲獨特街頭小食,大家黎到長洲值得一試 ,日後再黎長洲,我都會再黎食大魚蛋
張貼
