允升甜品

營業中

休息中

長洲賓客人數多。多數人客。。。係咪因為領滙啲商場倒模出黎。尖咀旺角銅記又開滿金鋪藥房。香港人假日要敗走外島。呢個復活節竟然 日日都幾萬人黎呢個小島。而我係其中一個。咁當然每個人入長洲都有唔同既目標。賞櫻。燒炭。曬太陽。又或者好似我咁食野！食完大魚蛋。第二站又係食既成個長洲都賣緊既野。芒果糯米滋。同島外唔同。長洲既係用糯米皮包一件芒果。唔係得啲芒果蓉同芒果粒。而最多人認同係首創既就係呢到。見到門口咁多盒芒果就知佢有料到啦。芒果大大件。用極軟糯既糯米皮包住。其實糯米滋最緊要新鮮。因為一放就會乾會硬。識得食一定食流量多既鋪。最好即包即賣。同埋呢到舊芒果真係大舊得黎又甜。食到成咀都係粉都抵。