影片
更多
2022-09-03
20 瀏覽
香港流行食韓式炸雞，要回想至2013年尾韓劇《來自星星的你》都mean專c嘅熱潮。韓國人炸雞啤酒係唔會當正餐㗎，係食完晚餐後嘅「下場」，或者有啲似香港人食完晚飯要食糖水或再轉場落酒吧繼續吹水。哈哈韓式炸雞本店喺西九龍中心8樓food court, 最近喺長沙灣天悅商場對面開咗分店。延續西九貼地親民嘅價錢。一人之境一人餐50蚊樓下就有交易，唔想食個set包嘅嗰個飯，仲可以轉多一件雞，好flexible。叫咗個$166嘅自選雙拼炸雞，每款至少有8件（其實冇認真數，但總之兩個人分咗兩餐食到好飽先食得哂）🧀皇牌芝士炸雞。前排食咗Lee Family同蘇dam，前者可算係韓式炸雞元祖店，星星熱潮時大排長龍，但最近食，啲肉仲嚡過湯渣。後面得個炸皮，肉薄過紙，兩者都令我好失望。但終於食到哈哈，即叫即炸，熱辣辣。無骨雞厚肉嫰滑多汁，芝士味濃，就算第二日雪過再用焗爐reheat，都好好味。另一款選咗甜辣炸雞🌶，呢個口味一向係自己飛彿，好好味。再加咗個🌽粟米濃湯脆薯條🍟，係粗曲曲薯條，唔使點茄汁都好夠味。開到好夜，同韓國一樣可以炸雞當宵夜
哈哈韓式炸雞本店喺西九龍中心8樓food court, 最近喺長沙灣天悅商場對面開咗分店。
延續西九貼地親民嘅價錢。一人之境一人餐50蚊樓下就有交易，唔想食個set包嘅嗰個飯，仲可以轉多一件雞，好flexible。
叫咗個$166嘅自選雙拼炸雞，每款至少有8件（其實冇認真數，但總之兩個人分咗兩餐食到好飽先食得哂）
🧀皇牌芝士炸雞。前排食咗Lee Family同蘇dam，前者可算係韓式炸雞元祖店，星星熱潮時大排長龍，但最近食，啲肉仲嚡過湯渣。後面得個炸皮，肉薄過紙，兩者都令我好失望。但終於食到哈哈，即叫即炸，熱辣辣。無骨雞厚肉嫰滑多汁，芝士味濃，就算第二日雪過再用焗爐reheat，都好好味。
另一款選咗甜辣炸雞🌶，呢個口味一向係自己飛彿，好好味。
再加咗個🌽粟米濃湯脆薯條🍟，係粗曲曲薯條，唔使點茄汁都好夠味。
開到好夜，同韓國一樣可以炸雞當宵夜
張貼
