影片
更多
2024-05-01
5 瀏覽
老細食鱔日記🪱 12食鱔老細🪱狐假虎威，蝦蝦霸霸既行為，真係令人髮指。但作為富三代，又有邊個員工夠膽去challenge 佢吖？要生活過得好，大家講好要向佢老豆(即係會長)投訴，於是去左會長之家。點知最後成班人全部縮沙，但係就留左喺嗰度食飯。✨️會長屋企真係好靚，而且d設計同擺設都非常古典優雅。嗰啲屏風同埋掛畫，我諗真係價值連城。仲有好多古董，懷舊嘅裝飾。講笑遮，我地自己代入角色，但呢間餐廳絕對係吹水，聚腳訴苦既好地方。🍖熟成牛油豬五層肉，用成塊砧板上，加上有把豬肉刀，賣相非常吸睛。但係其實把刀並無用武之地，因為店員會好細心咁幫你去煎，剪開，反轉，之後又會放係旁邊，保溫又可以慢慢食，保持脆口，又唔會燶。而成個過程最重要喺佢幫你處理到最好嘅狀態，如果自己煎，分分鐘side左塊靚肉。豬肉夠哂脆，熟成左既肉比較實淨，但係又唔會鞋，好有口感。🍖另外我地叫左四件鰻魚，感覺喺超級新鮮，睇成個皮嘅光澤同埋緊致度，就已經略知一二。再加埋煎好之後，魚肉喺咬落去果種回彈嘅口感，就更加確定呢點。🍖有魚有肉其實已經好正，但係燒烤既時候，總係想加啲牛肉，所以我地又叫左鹿兒島牛三角，我今次堅持個己煎，店員好似知我被
食鱔老細🪱狐假虎威，蝦蝦霸霸既行為，真係令人髮指。但作為富三代，又有邊個員工夠膽去challenge 佢吖？要生活過得好，大家講好要向佢老豆(即係會長)投訴，於是去左會長之家。點知最後成班人全部縮沙，但係就留左喺嗰度食飯。
✨️會長屋企真係好靚，而且d設計同擺設都非常古典優雅。嗰啲屏風同埋掛畫，我諗真係價值連城。仲有好多古董，懷舊嘅裝飾。講笑遮，我地自己代入角色，但呢間餐廳絕對係吹水，聚腳訴苦既好地方。
🍖熟成牛油豬五層肉，用成塊砧板上，加上有把豬肉刀，賣相非常吸睛。但係其實把刀並無用武之地，因為店員會好細心咁幫你去煎，剪開，反轉，之後又會放係旁邊，保溫又可以慢慢食，保持脆口，又唔會燶。而成個過程最重要喺佢幫你處理到最好嘅狀態，如果自己煎，分分鐘side左塊靚肉。豬肉夠哂脆，熟成左既肉比較實淨，但係又唔會鞋，好有口感。
🍖另外我地叫左四件鰻魚，感覺喺超級新鮮，睇成個皮嘅光澤同埋緊致度，就已經略知一二。再加埋煎好之後，魚肉喺咬落去果種回彈嘅口感，就更加確定呢點。
🍖有魚有肉其實已經好正，但係燒烤既時候，總係想加啲牛肉，所以我地又叫左鹿兒島牛三角，我今次堅持個己煎，店員好似知我被壓抑太耐，就只話我聽方法，煎一邊到見血水，反過去一陣就得，件肉真係特別好食又肥美，自主既感覺太好啦。
🍺韓國啤酒當然唔少得，但係有特色既手搖蜜桃特飲，清新好味，會唔會係暗示我要轉工去台灣呢？
以上既ff情節雖然天馬行空，但哩個地方總算為我地呢一班有冤無路嘅員工帶來一點慰藉!真係一個舒緩壓力嘅好地方。
張貼
