新沙洞澡堂 (已結業)

朋友話之前成日見到好多人介紹呢間澡堂主題嘅餐廳，佢一直都好想黎試下，於是我地前幾日就特登去長沙灣食呢間餐廳。雪花芝士炸雞半份 $88半份有五大件無骨炸雞，雞肉炸得香脆而肉質保持滑嫩。芝士味嘅炸雞食落甜甜地，帶點芝士香，好好食。韓式柚子炸雞半份 $88同樣都係有五大件無骨炸雞，柚子汁滿佈炸雞表面，柚子味香濃，酸酸甜甜。泡菜豬肉拌飯 $86加太陽蛋 +$6呢個飯比想像中豐富，豬肉有好多片，每片都肥瘦相間，食落好香。撈埋泡菜、芽菜同埋菠菜等，食落好惹味，唔撈醬汁都好夠味。加埋太陽蛋之後仲會有蛋汁，正。2人新沙洞High Tea Set $328呢個真係打卡之選，兩個人share嘅話，每人會有兩款鹹點同埋六款甜點。鹹點有沙律碎蛋撻同埋煙三文魚撻。至於甜點有馬卡龍、朱古力香蕉窩夫撻、抹茶紅豆撻、士多啤梨撻同埋牛角包窩夫。牛角包窩夫有兩種口味嘅醬可以點，分別係tiramisu醬同埋奶醬多口味，我鍾意奶醬，因為有煉奶嘅香甜又有濃郁嘅花生醬香味。藍柑橘白桃梳打特飮賣相一流。西柚梳打特飲酸酸地幾清新。百香果梳打特飲酸甜可口。