.
見到火山排骨上枱嘅時候真係忍唔住嘩咗一聲😆
排骨大大件份量多，好澎湃！
排骨肉非常嫩滑，食得好滿足❤️
因為有手套同埋啲肉都好軟腍，所以其實都食得好方便！
火山排骨嘅汁係酸酸辣辣，超開胃，所以我同男朋友兩個人食晒成份火山排骨都冇難度😂
但其實本身佢嘅份量的確多，我見其他枱都係幾個人share！🤣
.
另外亦叫咗男朋友最鍾意食嘅魷魚串燒😋
同埋試吓新嘢叫咗個菠蘿沙律，呢個男朋友好鍾意食😆
最後叫咗個椰皇三重奏做甜品，入面有店家用椰青水自製嘅啫喱，食落係啖啖足料嘅感覺😇
我叫咗杯凍嘅泰式奶茶，男朋友叫咗椰汁冰，最後都係三百零蚊埋單，整體都唔貴。
