喜點.鮮鍋粥底火鍋點心專門店 (已結業)

一直都未食過粥底火鍋，見朋友介紹呢度平平地就食到有海鮮既粥底火鍋一於黎試下。我地太早到，無咩人，食食下全場滿座。我同朋友揀左a餐海鮮粥底火鍋好正！有生猛龍蝦、多寶魚、海蝦、鮑魚、貴妃蚌、紐西蘭蟶子丶黃金蝦丶肥牛。再加8款自選配料。海鮮睇落充滿光澤，夠新鮮！呢張教左煮幾耐會熟，吾驚吾識煮。為左要拗出鮮味嘅粥底，我地揀左雞、肥牛、花膠丶雲吞丶墨魚滑。要將海鮮味成功注入粥底，絕對唔好揀香腸魚蛋，要選擇提鮮的配料😂喜點會俾碟南瓜芋頭粟米你放入粥底，煮出黎先會更加杰身同甜啲。海鮮幾有驚喜，食得出鮮味，一點腥味都沒有，絕對吾會$258呢個價錢而平平無奇。最有驚喜係雞、魚，非常之滑。蜆每粒煮完都脹卜卜，好多汁。食到咁上下，店員會俾碗粥底放入火鍋，充滿海鮮味的粥成功製食！飲品方面可任飲甘蔗水及豆漿。