金滿都越南餐廳 (已結業)

同同事喺長沙灣個邊收工太晏決定食埋晚飯先，發現咗呢間唔錯嘅越南野～餐牌有唔少選擇，多人嘅話叫多人set好似都幾抵～但我哋得兩個人就決定散叫算，廢事食唔哂！我地total叫咗3個小食同一個主菜。小食方面叫咗個大嘅海蜇扎肉雞絲，啲海蜇醃得好好味，好開胃！份量都好多，62蚊好抵食！再黎叫咗庶蝦（$30）同越南春卷（$28），兩款都係越南特色小食嚟，整得好有越南風味好好食，真係價廉物美！最後叫咗個咖哩牛腩煲（$90）再加$20要4件蒜蓉包，呢咖哩好夠味，用哂點蒜蓉包好配！