金滿都越南餐廳 (已結業)

昨天下班後突然想吃越南菜，即興的約了兩個朋友去越南餐廳聚餐😁😁😁這家餐廳真心好抵食丫，晚餐免加一還送熱飲，是次我們共點了熟牛肉湯河、扎肉雞絲燻蹄撈檬跟咖啡牛腩飯三個晚餐，還有蒜蓉包、串燒跟越式蒸粉包。蒜蓉包蒜蓉包很香脆，不錯串燒串燒也烤得剛剛好越式蒸粉包越式蒸粉包就比較淋身，略嫌包得唔夠實，咬下的時候要小心，不然會好易散開搞到好狼狽:(:(:(熟牛肉湯河水晶覺得朋友點的熟牛肉湯河的熟牛肉有點稍稍煮太熟了，但我們其餘點的扎肉雞絲燻蹄撈檬跟咖啡牛腩飯也很值得推薦😋😋😋扎肉雞絲撈檬水晶點的扎肉雞絲撈檬份量很足夠，加入了扎肉、雞肉和燻蹄，當晚飯份量都夠哂咖啡牛腩飯這個我覺得可以推薦給不太能吃辣的朋友，個咖喱好入味之餘，真係香得來不辣，不像外面的餐廳加了辣油，因為認識水晶的朋友都會知道水晶其實不太能吃辣的🙁🙁🙁，但這個咖哩牛腩飯即使不太能吃辣的朋友也可以一試😊😊😊…查看更多

一般家庭式既越南小店 平平地食都幾抵食越南綜合粉 牛腩片,肥牛,肉丸,牛柏葉 生洋蔥金不換牛骨湯底鮮甜,可配河粉或金邊粉牛腩切薄片,牛丸大粒又彈牙,生牛肉浸到岩岩熟就食得會比較嫩滑 撈檬粉配牛展片 洋蔥炒肉碎 有蒜片,蘿蔔絲,牛展片,洋蔥炒肉碎加少少魚露撈埋食幾開胃 金邊粉幾彈牙米紙卷包住粉絲同金不換紅蘿蔔絲 米紙煙韌,入面脆脆地,雙重口感,但味道偏淡,建議加魚露或辣椒味道會更好牛肉串燒豬肉串燒,配沙爹醬幾惹味,燒得都幾香口平均消費$150評分8/10長沙灣元州街303號元州商場地下1號舖…查看更多

10蚊成本都唔洗嘅飯賣65蚊，邊忽值65蚊，又貴又難食，菠蘿炒飯仲要用罐頭菠蘿，唔知邊忽似越南，純粹係酒樓啲垃圾炒飯加兩粒罐頭菠蘿，真係成本10蚊唔洗，自己係屋企攞隔夜飯炒都好食過佢，垃圾，送比我都唔食…查看更多

整體來講水準一般， 沒有特別出色的菜式， 但也沒有難以入口的食物1） 雞扒撈檬 $46配料有蘿蔔絲，蔥油，花生碎和乾蔥檬粉和酸汁都沒有特別， 一般水平雞扒香脆不油膩， 也算嫩滑，但欠雞味2） 海南雞飯$65有蔬菜粟米等令外觀加分， 但味道上沒有油飯吃得出有點薑黃等味道，但油香不足已經去骨雞，但太肥太少可食用的雞肉部分，皮算薄，但並不爽滑，有點兒雞肉味，但絕不濃郁以$65 來說， 性價比極低而用以點雞的是蔥油，酸辣汁醬， 黑豉油， 不太正宗，味道也沒有特別3）馬拉盞炒通菜一個字形容， 鹹沒有很惹味紅椒絲，辣椒絲，鹹魚茸也欠奉只有炸蒜撐場色澤上保持翠綠， 口感是爽但味道死鹹沒有追下去吃的衝動4）加$10 糖水 - 椰汁紫米露椰汁完全淡而無味， 有粟米粒點綴， 但很奇怪糯米煙韌， 口感算不錯， 但沒有味道…查看更多

長沙灣金滿都越南餐廳，等了20多分鐘，叫了一份烤鵝湯河，55元，送上4件豬頭骨，半碗都是油，極乾，像餵狗的一樣，問侍應他竟然說是正常。吃了一口就馬上放下，大家慎幫襯。…查看更多

經過呢區，諗住食個普通嘅lunch叫咗個扎肉雞絲湯檬粉，除咗個粉正常，所謂雞絲係雞肉切條。。有冇懶得咁緊要。。而且又韌又硬。。札肉都係好硬。。寫食評先發覺有咁多like可能我唔識叫..叫咗啲唔好食嘅嘢現場見大部份人都係食河粉，但似乎冇人食札肉雞絲湯河。我唔敢講其他嘢好唔好食，但係食完呢一碗之後已經唔會再試其他。因為睇得出好求其，好冇誠意。亦又一次證明OpenRice評分會中伏。所以更加要打呢一篇食評。本人在此真誠重複一次以上內容絕對屬實圖片均為當場拍攝。…查看更多

係長沙灣返工多年，金滿都都係屹立多年，隔離果間都執幾次，佢都未執；同事們個個都話全滿都好難食，所以咁多年都未食過。但係今日天氣凍唔想行遠就試下。叫左香烤牛肉檬粉，外賣自取有8折；唔包野飲一碗$37.6，價錢都還可以。味道出奇地好食；首先湯同粉有分開都幾有誠意,牛肉分量比想像中多好多，而且牛肉有香茅味，係碗粉細D同有D碎，半碗夾唔起，轉檬粉又要比多$2，湯頭就淡D，話牛骨湯但冇咩味。整體黎講平凡的好食， 冇傳說中咁差。…查看更多

由於我之前在「長沙灣」「元州街」港式茶餐廳裡面享用晚餐的時候，意外發現本來非食不可的晚餐食品「咖喱牛腩飯」，不在星期三的餐牌裡面，導致當時餐廳沒有提供「咖喱牛腩飯」，迫使我要在附近尋找其他食店。結果我選擇光顧，位於「元州商場」裡面的越南菜食店「金滿都越南餐廳」。至於我選擇食的目標「金滿都越南餐廳」食品，就只有「越式咖喱牛腩飯」而已。不過我一看見「金滿都越南餐廳」晚餐餐牌裡面，竟然還可以另外加錢，追加一份白灼時菜，於是我選擇了追加一份，白灼加「蠔油」調味料的「菜芯」。至於套餐飲品方面，我選擇了一杯手調芒果汁，混合椰果啫喱而成的飲品「芒果玉露」。「芒果玉露」裡面的「芒果汁」甜味味道很濃厚，惟獨是「椰果啫喱」口感太滑太難嚼，我比較喜歡食用珍珠多一點。至於「金滿都」主菜食品「越式咖喱牛腩飯」方面，咖喱汁的實際辣味味道，還是不屬於我食過最辣的咖喱，或許是因為「越南菜」比較重香料味，多過「咖喱汁」辣味的關係吧，總之「越式咖喱牛腩飯」味不是最愛的味道。「金滿都」「越式咖喱牛腩飯」裡面另外一個問題，就是「牛腩」實際口感稍嫌炆得不夠腍，「牛腩」的肉質也稍嫌有點硬，廚房其實可以花多點時間去炆煮「咖喱牛腩」。另一方面，我從「金滿都」的「越式咖喱牛腩飯」咖喱汁裡面，看似偏向淺黃色的色澤，至於「越式咖喱牛腩飯」的咖喱汁裡面，我隱約感覺到咖喱汁表面有類似「椰奶」的調味料，令咖喱汁辣味裡面，呈現少許襯托的甜味。不過即使「金滿都」「越式咖喱牛腩飯」表面有一層類似來自「椰奶」的甜味，但是始終無法改變「牛腩」實際口感煮得未夠腍，需要花牙力才能撕開牛肉的事實。相對口感爽脆的白灼「菜芯」加蠔油，「金滿都」「越式咖喱牛腩飯」裡面的「牛腩」，最多只能夠滿足我對晚餐非食「牛腩」的心願而已，「金滿都」「越式咖喱牛腩飯」裡面的「牛腩」口感煮得未夠腍，所以要減分。相反白灼「菜芯」裡面的爽脆口感，還有「芒果玉露」飲品裡面的甜味，反而都比口感一般，辣味也未能夠造到勻循效果的「越式咖喱牛腩飯」為之理想，看來「金滿都」廚房需要花多點時間去炆煮「牛腩」才行了………查看更多

$40個餐相信只能夠等食茶餐先有！尼渡竟然可以食到午餐正常份量味道都唔差不過覺得唔太正宗嘅越南嘢午餐香茅猪扒湯檬～猪扒夠味！個湯檬唔夠熱檸茶夠濃午餐生牛肉湯河～牛肉算大塊！河粉夠滑但都嫌個湯唔夠熱…查看更多

金滿都嘅午餐都幾多選擇，同埋好適合趕時間嘅打工仔。除咗嘢食上得快，員工們都好爽手，又有禮貌。☝🏻越南火車頭湯金邊粉 (走青) 跟豆漿 🐮🍜🥛火車頭包咗4大材料，分別有生牛肉、熟牛肉、牛丸同牛柏葉。湯底偏淡口，感覺味精唔算多。我自己唔鍾意食太多配料，所以走咗青。舖頭只係加咗少少炸洋蔥同生洋蔥喺湯入面，食落都幾香口。生熟牛肉嘅份量最少，加埋只有3至4片細嘅，不過食落幾有牛味。牛丸只有2粒，𠝹咗花扮靚靚。咬落比較實淨，唔算彈牙。牛柏葉係白雪雪嗰一種，煮得好透，食落唔會好韌好痴牙。反而金邊粉嘅份量好多，填滿個碗咁滯。平日食粉麵食唔飽嘅男士，金滿都應該可以滿足你。最正係跟餐可以飲豆漿，唔駛另外加錢，仲足足裝滿一個高身嘅茶記凍飲杯，想唔食飽飽都幾難呀。…查看更多

呢間街坊越南餐廳已經幫襯左好多年，環境好舒適，店內有多張卡位，下午茶都幾抵食，我去親都係食雞扒河，佢既河粉好滑，湯底都好好味。整體都好岩我胃口，夜晚Menu唔太岩胃口，所以多數都只會下晝去幫襯。雞扒份量都幾足，都有4-5舊，煎得好香脆，浸左啲湯更加吸引人。正常女仔既胃口食完絕對係飽既，一碗河粉都係36蚊包飲品，今時今日真係好難搵呢間餐廳都係做街坊生意多，啲侍應記性好好，會記得食客既口味，呢一點真係好有人情味，有時食人情味比味道更重要…查看更多

這店的晚餐性價比挺高的，價錢親民，份量足，味道也不錯。店子環境雖然一般，但也算坐得舒服。服務方面，侍應工作勤快，態度也好。越南生牛肉河粉：牛肉有6、7片，每片也大大的。脂肪不多，正合我心意。把生牛肉在湯中略浸，剛轉色便食，口感不錯。雖然牛肉味不算濃，但以$43連飲品這價錢來說，已合格有餘。冬蔭功牛尾飯：這是我每次必點的，牛尾很軟，有紅蘿蔔和洋蔥等配菜，醬汁味道好，拌飯吃一流。點了餐後，看到推廣，原來每位滿$68或以上有小食送贈，我們選了䉀蝦，蝦肉包在䉀外，味道一般。另加了$12點了灼通菜，份量大，蘸腐乳醬好吃。飲品點了凍檸茶和凍菜蜜。食物味道不錯，也吃得飽飽的，結賬只是$114，性價比高。…查看更多

久不久也會來一來，因為性價比高。冬陰功牛尾飯：這已經吃過兩三次，汁微辣，惹味，牛尾煮得很軟，好吃，不過這次的牛尾比以往的少。生牛肉河：其實這兒的牛肉我河不是很正宗的越南風味，不過牛肉不少，河粉滑，湯頭味道也算不錯。串燒雞肉：味道也不錯灼唐生菜：吃了那麼多肉，要吃點蔬菜平衡一下， $12一碟灼生菜，雖然份量不太多，但已經可算是價廉物美。這是小店格局，裝潢一般，服務不錯。…查看更多

去咗元州商場買嘢，買完之後就醒起呢一間越南餐廳，就嚟幫襯下 因為佢消費65蚊，就會送一個小食 但係佢普遍啲餐都係50幾蚊 咁我哋見到一個二人餐 $168 問咗佢會送兩個小食，所以就叫二人餐越南春捲， 超級脆，超級好食蔗蝦，蝦肉質正正常常，最正係啲蔗可以食埋，當然 要吐蔗渣啦粉包， 唔識形容呢舊嘢，但係好食嘅，我大個形容為係加大版嘅潮州粉果送嘅魚餅同埋榴槤炸彈魚餅就正正常常榴槤炸彈對我黎講臭到暈我老婆鍾意食榴槤，佢話都幾好食，係個粉皮太厚大的無骨鳳爪，正正常常生牛肉河，牛肉都仲係生生地，ok 會有青檸同辣椒，不過你要問佢拎 都幾大碗，我老婆食唔曬我就食埋佢嗰份免費包特飲我老婆叫芒果梳打，佢唔啱飲我就叫什果賓治，好正常埋單 $168食得飽嘅，每一樣嘅味道都唔差 除開每人 $84，我又唔覺得特別平 如果唔係經開附近，就真係唔會嚟食 如果當每日嘅餐廳，$86呢個價錢真係有啲貴 不過都係嗰句啦，百物騰貴 回頭率就好低啦，我相信都係樓上啲住客先會特別落嚟…查看更多

這晚我們點了冬蔭功牛尾飯：這個冬蔭功牛尾飯我要大推，冬蔭功只是微辣，很惹味，牛尾煮得很軟，份量也不少，白飯配醬汁，十分好吃。越南生牛肉湯河粉：這個就不太令人滿意，主要問題在湯頭。這湯頭不是味道不好，但是沒有越南湯河粉的湯頭的特有味道。其實牛肉和河粉都質感都不錯，但沒越南風味，就令人有點失望。春卷：脆而不油膩，味道也好。串燒雞肉：肉質不錯，味道也不錯。白灼菜心：清清的，吃完肉類吃它正好。這越南餐廳環境一般，幸好侍應尚算有禮，而且很多食物如春卷、串燒等可以只叫兩件，人數少就可以多叫幾款不同食物。…查看更多