味道樂居酒屋 (元州街) (已結業)

五點刺身盛盒 $298有三文魚、油金魚、帶子，甜蝦、日本生蠔，刺身好有驚喜，三文魚比我平時食嘅厚好多好肥美😍，因為有一款刺身無貨所以轉咗日本生蠔🦪，生蠔大大隻而且好爽口，食落creamy好新鮮。三色魚生飯 $138有牡丹蝦、油金魚、三文魚，我最愛嘅牡丹蝦好大隻之如，食落好鮮甜爽口，再加少少醬油同芥末，帶出刺身嘅鮮味，拌埋白一齊飯食好滿足。大葱特上吞拿魚腩卷 $98每一舊吞拿魚腩卷都佈滿大蔥，而且吞拿魚腩蓉嘅肉質肥美，食落好香滑，加埋蔥花同醬油食濃濃嘅大蔥香味。明太子醬燒玉子串(兩串) $58玉子串好大舊同好厚，燒到外皮微焦，裏面軟淋淋，好香蛋香味，食落帶少少甜味，連埋滿滿嘅明太子醬好邪惡🤤。鹽燒雞軟骨(兩串) $42燒得好香口，雞軟骨好香脆，鹽燒味好明顯。