味道樂居酒屋 (元州街) (已結業)

今日繼續係長沙灣搵好西食，黎到長沙灣的味道樂，尖沙嘴分店就真係食左幾次，長沙灣分店真係第一次食。lunch提供多款選擇，有烏冬，蓋飯，刺身丼飯，招牌鰻魚飯等等！今次試新野，挑選左香煎雞排溏心蛋冷烏冬配芝麻醬！呢到既lunch set都算抵，一個價錢，除左主菜，仲有麵豉湯，沙律，同埋最愛既茶碗蒸！！！抵讚既係茶碗蒸，蛋蒸到好綿滑，底部有冬菇粒同蟹柳，只係個前菜已經夠曬豐富！等左一陣，主菜都出場啦。賣相唔錯！雞扒煎到金黃色，脆脆地都ok，可惜外皮有少許硬！溏心蛋個心有少許實正，無點流心，一般般啦。冷烏冬方面，烏冬麵質係適中厚度，彈牙既，可惜芝麻醬略嫌唔夠多，本身烏冬無味，建議如果轉少少醬汁可能效果會好dd既。整體黎講，上次試過既招牌鰻魚飯會好食好多！不過，以lunch黎講，呢間性價比係算高既，70蚊有咁多嘢食，下次都可以黎試下其他！