影片
更多
2025-08-01
567 瀏覽
特登嚟呢間新派韓食餐廳，皆因俾佢哋嘅獨門健康炸雞所吸引，聽講係用韓國空運到港的原隻走地雞，配合秘製腌料及薄層秘製乾粉所製，當然要會一會佢！建議大家訂定位先，因為一上到嚟就已經全場爆滿，好彩我哋早就訂定位。餐廳裝修有似足西式火車內嘅卡座，燈光柔和得嚟空間感十足。食物選擇多之餘，每道菜水準都不俗，完全感受到廚師嘅心思。半半炸雞 $218揀咗首爾醬油味同黃金蒜香雙拼，外皮同連鎖店嘅油膩感完全兩回事，炸粉偏向薄脆，咬落雞肉仲keep住肉汁。醬油味鹹甜交織，蒜香味嗆得嚟唔辣喉，伴碟嘅薯條同蝦片脆卜卜，邪惡得嚟好難停口！白切五花腩 $298擺盤好靚似一朵大花花，厚切腩肉肥瘦層次分明，本身已煮熟，但仍用小火爐蒸熱保持溫度。用生菜包住再蘸韓式大醬或蒜泥醋汁，油膩感即刻大減，真係好好食，食多兩件都唔覺滯。海軍醬油湯鍋（八爪魚）$238湯鍋落足料，原隻八爪魚煮完依然彈牙，湯底是店家以自家製醬油湯底所製，有種豉油香，清淡得嚟夠晒入味，吸汁嘅蔬菜雜菌仲正過主角！加埋辛辣麵落去煮，暖胃又唔會過鹹。韓式牛肉蛋捲 $135絕對係驚喜之作，滑溜蛋皮包住香炒牛肉，蛋香同肉味平衡得剛剛好，一件接一件食到唔願停。日落流金
建議大家訂定位先，因為一上到嚟就已經全場爆滿，好彩我哋早就訂定位。餐廳裝修有似足西式火車內嘅卡座，燈光柔和得嚟空間感十足。食物選擇多之餘，每道菜水準都不俗，完全感受到廚師嘅心思。
半半炸雞 $218
揀咗首爾醬油味同黃金蒜香雙拼，外皮同連鎖店嘅油膩感完全兩回事，炸粉偏向薄脆，咬落雞肉仲keep住肉汁。醬油味鹹甜交織，蒜香味嗆得嚟唔辣喉，伴碟嘅薯條同蝦片脆卜卜，邪惡得嚟好難停口！
半半炸雞
0 瀏覽
0 讚好
0 留言
白切五花腩 $298
擺盤好靚似一朵大花花，厚切腩肉肥瘦層次分明，本身已煮熟，但仍用小火爐蒸熱保持溫度。用生菜包住再蘸韓式大醬或蒜泥醋汁，油膩感即刻大減，真係好好食，食多兩件都唔覺滯。
白切五花腩
18 瀏覽
0 讚好
0 留言
海軍醬油湯鍋（八爪魚）$238
湯鍋落足料，原隻八爪魚煮完依然彈牙，湯底是店家以自家製醬油湯底所製，有種豉油香，清淡得嚟夠晒入味，吸汁嘅蔬菜雜菌仲正過主角！加埋辛辣麵落去煮，暖胃又唔會過鹹。
海軍醬油湯鍋（八爪魚）
54 瀏覽
0 讚好
0 留言
韓式牛肉蛋捲 $135
絕對係驚喜之作，滑溜蛋皮包住香炒牛肉，蛋香同肉味平衡得剛剛好，一件接一件食到唔願停。
韓式牛肉蛋捲
21 瀏覽
0 讚好
0 留言
日落流金 $138
叫咗一大瓶日落流金特飲，芒果菠蘿組合清新解膩，兩個人share夠晒涼快。
張貼
