板神鉄板燒日本料理 (信和廣場)

營業中

休息中

特登預約咗位於銅鑼灣信和中心新開嘅嘅阪神食飯，去慶祝周年嘅紀念，好耐冇食過鐵板燒，即係前面有個人幫你整嗰啲，知道出面食好貴嘅，咁啱lunch人頭加一都係$500左右咁就立即去試吓，銅鑼灣地鐵站C出口行3分鐘左右就到，不過依家啲天氣真係好難受，上到去睇門面都已經覺得好靚，入到去更加不可理喻，佢哋每一個食區都有分開，鐵板嘅就鐵板，壽司嘅就壽司，炭燒就炭燒，裏面裝修好現代化，呢個價錢淨係裝修都值得，入到去都有膠板隔離，確保食客安心，今日我就叫咗一份海鮮餐，一份牛扒餐，牛扒要咗澳洲和牛厚切，隔咗一陣就見到主廚Fai拎住兩份餐出嚟，佢都會一一介紹，每一份菜都見到佢用心處理，其他食客有問題問佢，佢都好樂意解答，都好主動幫食客影相，個廚師真係好有親切感，海鮮入面有鮑魚大蝦材料新鮮分量足夠，可能平時咪食得好多好嘢，感受到食材嘅新鮮，同埋廚師嘅用心，最想講嘅佢佢哋嘅鵝肝，大家一定要試，厚度至少有1.5 cm以上，主廚後面走去維港景色，當然唔好期望太多，我覺得呢個價錢食午餐有咁嘅質素，真係值回票價，老土嘅嘢我唔打太多，但係我真係覺得好滿足，希望大家都可以去試吓，依個價錢係俾得開心嘅，完