美心MX (已結業)

一個人的晚飯，想食鐵板餐，快餐店光猛乾凈，叫咗鐵板雞扒蒜茸汁，跟餐有酥皮忌廉湯，本來想叫黑牛，但收銀話無晒雪榚，就改叫熱檸茶，食物好快叫號碼，會先比酥皮湯，再用第二個號碼取鐵板餐，酥皮湯夠熱，酥皮焗到漲卜卜，浸湯食一流，湯本身味道也不錯！鐵板塊雞扒係完整一塊雞髀扒（仲有一截雞髀骨）好大塊，雞皮煎到脆卜卜，我平時唔食雞皮，都忍唔住照食，有薯條，茄子同車厘茄，薯條脆卜卜，車厘茄熱住食都ok，茄子我本身唔喜歡，覺得好油，又淋，食咗少少，蒜茸汁無乜蒜茸味，但味道都可以，熱檸茶偏澀，一般！