美心MX (已結業)

都無結束營業，點解會寫結束左嘅？今日放午飯遲左，平平地不如去美心食個下午茶。燒鴨瀨，一定係我首選。味道好味，湯濃有味唔會似水，鴨都有肉份量可以。瀨粉少左啲，整體好味

咖哩在很多地方都有得食，但住住味道間間不同所以都喜歡周圍去試，今次就去到美心MX見到有款叫香料魔法咖哩都幾特別個名而咖哩牛腩配白飯$51價錢都可以，但要加錢先有飲品最後冇要到，好快食物就來到，原來這個咖哩用一個銀色煲裝成幾特別喎，熱度都夠，而白飯份量叫了少飯所以份量就剛好，咖哩味吾夠辣但幾香，而入面有不少薯仔碎口感不錯，要最後加辣椒油會好味好多。牛腩牛味不錯，幾淋身但味道反而不太重咖哩味，如果同咖哩煮耐少少入味就更好味，配菜反而做得出色好味，以這價錢來講還可以一試。

睇報紙見到美心有個瀡滑雞, 其實即係無骨海南雞飯啦.個名稱甘得意, 吸引到我去試一下.一個餐52, 加埋個冰鎮奶茶, (HKD9).冬瓜湯, 湯有雞湯味, 內有幾件冬瓜, 唔錯.雞肉, 滑 (但無乜雞味, 冰鮮的唔好要求太多), 份量OK (大差樂的份量比較多).油飯, 好食 (比大差樂的好好多).醬汁, 甜豉油同個辣汁都做得唔錯.奶茶 : 反而普通了一點, 而且唔係冰鎮, 係冰水鎮 (個凍桶大半都係水)以61蚊來講, 甘的品質出品味道同算唔錯了, 比起某些泰式海南雞及大差樂都要好.奶茶的茶味可以再豐富一點.

朋友强烈推薦去吃美心MX的早鳥優惠，就去看一下。在比一般午晚餐時間的早一個小時就有很大的折扣。指定的Sir滑雞套餐從52元降至38元。就算加了甜點也比平時便宜。但優惠只到7月9號，所以要今天來 試一下從來未吃過的這個雞套餐。 在收錢櫃檯買了票之後，坐下不久 套餐就送到面前了。 除了那Sir滑雞之外，還有柚子汁生菜沙律，冬瓜湯和香油飯。 Sir滑雞是有點像海南雞的. 雞真的很滑! 冬瓜湯應該是用雞油煮的, 雖然有點油但也蠻好味的! 那柚子汁生菜沙律可能柚子汁太多了所以有點酸! 但還是蠻清爽的，夏天吃剛好!。倒是想講一下那碗雞油飯，平常雞油飯都給人一種油膩的感覺，但吃這個雞油飯有些特別。它好像是炒過一般，飯很香不油膩，飯粒之間沒有黏著是一粒一粒的，感覺很像炒飯。 整體這個套餐蠻好吃的，用這個優惠價錢真的非常便宜。最後加了5元多點了我最愛的雜果啫喱，真是完美的一餐!

ㄧ個人食飯, 最好都係去快餐店。望住D食物水牌咁多款, 都唔知食乜好, 聽到前面排隊既顧客叫咗個原煲咖喱雞飯, 心血來潮, 自己都試下。平時用碟上既咖喱飯, D餸都好快凍晒, 現在用原煲載住D咖喱雞, keep住熱度, 又幾好喎, 不過D雞就大件咗D, 女士食無咁方便, 幸好有好多薯仔, 配合香辣咖啡, 明知好高卡路里, 但實在忍唔住喇, ㄧ羮又ㄧ羮食晒。

美心mx近日出了個新的烏東餐出奇地好味!可以試一下! ​​​我不大喜歡吃炸的東西所以豚肉是我唯一選擇。豚肉很入味，只是汁的油有點多。稻庭烏冬真的很滑，湯也清爽，豆皮2大片也不油，真心覺得難得!太高興美心终於有送餐服務。這方便多了。之前好像只有吃火鍋才有這服務似的。很喜歡那些加錢選擇，上湯菜和雜果啫喱均很好!

雖然知道焗豬排飯好肥 但因為實在太肚餓既關係 立即叫左個焗豬排飯食！個飯比想像中細 同個碟較淺 所以食完啱啱好咋🙈飯底唔算多 有雞蛋炒底 而豬扒好淋 不過唔算大塊 好彩都叫厚身 如果唔係醫唔到肚 總括黎講都叫好食

今晚我們去咗旺角花園街嘅「美心MX」買外賣自取返屋企食！我們買咗海南鷄飯嘅鷄肉肉質都幾嫩滑，鷄油飯比較乾身，唔會好油膩，味道都幾香濃！燒味三拼餐嘅叉燒肉質都幾鬆軟，味道好香甜，燒鴨嘅肉質比較硬實！咖哩鷄飯嘅鷄肉好大件厚身，咖哩汁相當惹味濃郁，濃稠度啱啱好，唔會過稠或過稀！免治和牛煲仔飯嘅米飯都幾軟熟，飯焦相當香脆，和牛肉餅嘅肉質唔算好新鮮，而且有啲霉！另加$10就可以要埋個煲仔！跟餐例湯嘅味道都幾夠火候，味道都幾濃郁！

下午茶食個美心公司三文治竟然有驚喜！個三文治個餡真係好公司。。。有多種唔同餡、例如有蛋、生菜、沙律醬、白雞肉、有火腿、有番茄，足夠晒份量！好食過好多出邊嘅餐肉火腿蛋所謂嘅公司三文治。佢仲要係新鮮即叫即做，嗰個麵包烤底烤得夠燶，仲有配上薯條，仲有杯嘢飲都係幾拾元，抵食！

自己很少睇電視,但卻常聽到美心mx的"食完雞煲打邊爐"的廣告......很好奇又很有興趣!因為很喜歡打邊爐,而自己只食過1次雞煲剛好在旺角洗衣街那邊,想起附近有間美心就決定試試雞煲有麻辣和不辣,雖然自己不能食辣,但下定決心要試麻辣!!付錢後,店員給了1個很可愛的"圍裙",開始還以為是贈品...原來食這雞煲很需要用這圍裙!在等雞煲"滾"時我已圍好了圍裙....看到雞煲的汁(可能是湯底)不停的彈.彈.彈.彈到整張餐紙和餐桌都全是雞煲的汁......慶幸我圍了圍裙,否則我的衣服....因為害怕雞肉未熟..所以我還是小心的先食洋蔥和薯仔...薯仔很入味!洋蔥還是等到軟軟的就更好然後雞煲的主角-雞肉真的真的很入味!!!但雞肉比較少肉..雖然辣到我不停流鼻水....但還是停不了的一直食雞肉一直食雞肉雞肉好像冷藏太長時間,都看見雞骨有血...食不到"雪"味,可能是辣味都蓋到了..而我都等不到打邊爐了...因為辣到我一早把湯都倒進去了粉絲都很入味,,,但量有點少加了$6有大杯檸檬可樂,我食到一半已經飲完 但都到盡才有檸檬酸味..因為我無"吉"最後問我飽不飽?其實我覺得一般般...可能對我而言還是太辣我

放工已經好夜，貪方便去公司附近美心MX食晚餐。我地叫咗咸雞飯同油雞飯(走豉油)。咸雞飯d雞好「鞋」，而且好乾，完全唔好食。但係油雞飯d雞就好滑，就算走雞皮食入口都好軟多汁。呢到優勝既地方係一定搵到位，而且 好容易揀到唔肥既食物，例如瘦叉燒、白切雞、健怡百事，但對於工作繁忙放工夜，想快快趣趣食一餐既朋友都係可以接受既。

今日未食午飯兩點多走去美心呢度下午茶餐好多特價，所以成日嚟叉燒迷你飯其實都吾會細老實講其實有好多茶樓果D乜乜蒸飯做特價，份量就超少你地睇䏲呢碗飯吾算迷你喎叉燒是半肥瘦好有肉味重有個咖喱三寶，魚蛋，豬皮，蘿蔔聞到好香咖喱味，味道都吾錯當然有飲品，一杯即磨咖啡呢杯嘢你話同去乜乜名牌咖啡店雙比起來沒大分別，當然除了環境香濃奶份量適量全部三十元有找所以下午茶市咁多人排隊

今日同友人兩個人放工去旺角行街，到八時多覺得肚餓，此時見到丼丼屋，原本友人想食，但我覺得太貴，提出倒不如美心MX火煱？就這樣去了隔離的美心MX。我倆都不知道幾時有間美心MX係度，只記得以前是大快活。入內環境光猛，人不算太多，輕易找到窗口梳化位。我和友人叫了咖喱及牛乳南瓜湯底，一個肥牛配蝦滑，另一個肥牛配豚肉。最抵是加$6有一大杯特飲，還有星期一至四可以半價另加配配料，第一次先加蔬菜盒。友人去拿火煱回來，每個火煱有三大盒配料另加一大盒蔬菜盒(有生菜、南瓜、翠瓜)，相比上次和同事去大家樂火煱差得太遠！價錢相若我寧願選美心MX！。新出的咖喱味湯底濃而不太辣，幾惹味，值得一試！而牛乳南瓜湯底依舊一樣濃，如放埋蔬菜盒內南瓜一同滾會仲濃！其實尚有幾款湯底供選擇，大家不妨試試。所有配料都很新鮮，尤其是蝦滑同醉雞，滾完之後滑而不膩！特飲就叫了橙汁特飲，味道像橙汁加雪碧。友人今次沒有食豚肉，豚肉都一樣出色，滾完後肉質不太硬。而主打當然是肥牛！我倆一直坐到店打烊，食得飽飽又開心，每人平均$70不足，下次帶其他朋友再試！

一個人的晚飯，想食鐵板餐，快餐店光猛乾凈，叫咗鐵板雞扒蒜茸汁，跟餐有酥皮忌廉湯，本來想叫黑牛，但收銀話無晒雪榚，就改叫熱檸茶，食物好快叫號碼，會先比酥皮湯，再用第二個號碼取鐵板餐，酥皮湯夠熱，酥皮焗到漲卜卜，浸湯食一流，湯本身味道也不錯！鐵板塊雞扒係完整一塊雞髀扒（仲有一截雞髀骨）好大塊，雞皮煎到脆卜卜，我平時唔食雞皮，都忍唔住照食，有薯條，茄子同車厘茄，薯條脆卜卜，車厘茄熱住食都ok，茄子我本身唔喜歡，覺得好油，又淋，食咗少少，蒜茸汁無乜蒜茸味，但味道都可以，熱檸茶偏澀，一般！

男友話呢間美心唔錯，今晚就試下見到鐵板餐都係$49/個 嘩好抵咁喎即刻叫個雜扒先(男友要雞扒)雖然唔夠花園餐廳、美而廉個D咁大大份，不過我一個人就食唔晒一個囉^^"勝在樣樣都有D：豬扒、牛扒、腸仔、雞搥、菜、薯條最好味係酥皮龍蝦湯 P.S.太夜去會賣晒咖~~我同男友8:00左右食，已經係最後兩客lu汽水好大杯...個樣似係珍寶裝咁上下....口渴既話就岩晒，飲完透心涼XD味道其實都係不過不失啦雞扒感覺上都比較"鞋"口但價錢黎講都算係平，所以質素低少少，都係預期之內反而係個酥皮龍蝦湯同埋杯特大汽水比到驚喜我^^哈哈，下次會再幫襯！