影片
更多
2019-02-11
85 瀏覽
先由左邊順序開始，左邊既前菜包括順菜，酸髮菜，珊瑚蓉，味道帶酸，開胃之選。山葵鮮腐竹，菜芯花同沙津都帶點清新，為今餐揭開序幕。師傅將輕輕烘過既麵包放係碟上作隔油之用，好細心👍🏻雖然師傅忙過不停，不過全程有問必答，細心介紹每款食物同醬汁，呢點真係要大讚👍🏻而且手勢好，功架十足，睇得又食得😋因爲之前食過其他店 omakase 既師傅，全程連介紹食物個part都唔情願😐成個體驗好差～-醬汁分三款，左邊個款蘸海鮮，之後個兩款用黎蘸肉，分別係燒汁同wasabi。首先登場既係非常巨型既鮑魚，睇上去好壯觀。肉質鮮嫩，所有野都岩岩好，濃厚既海鮮風味，令我回味無窮。接落黎就係粒貝，肉質彈牙，新鮮。鵝肝真係不得了！香軟既鵝肝配上香脆多士，減低膩感，再蘸上黑無花果汁，味道更有層次，有入口即融之感。-蘆筍同番薯🍠前者香口爽脆，後者味道甜美。牛肉肥美厚肉，仲有表演可以睇添，食落牛味十足，好香軟，但對於我呢個唔太好肉既人黎講，食到第三舊就已經覺得比較膩。食埋炒野菜後，櫻花蝦炒飯登場，加埋牛肉既肥膏一齊炒，更加惹味。加入大量櫻花蝦後，炒飯香味升級，不過真超大碗，食到我勁飽！甜品係黃豆雲呢嗱黑糖雪糕🍦黑糖香甜得黎唔會
師傅將輕輕烘過既麵包放係碟上作隔油之用，好細心👍🏻雖然師傅忙過不停，不過全程有問必答，細心介紹每款食物同醬汁，呢點真係要大讚👍🏻而且手勢好，功架十足，睇得又食得😋因爲之前食過其他店 omakase 既師傅，全程連介紹食物個part都唔情願😐成個體驗好差～
-
醬汁分三款，左邊個款蘸海鮮，之後個兩款用黎蘸肉，分別係燒汁同wasabi。
首先登場既係非常巨型既鮑魚，睇上去好壯觀。肉質鮮嫩，所有野都岩岩好，濃厚既海鮮風味，令我回味無窮。
接落黎就係粒貝，肉質彈牙，新鮮。
鵝肝真係不得了！香軟既鵝肝配上香脆多士，減低膩感，再蘸上黑無花果汁，味道更有層次，有入口即融之感。
-
蘆筍同番薯🍠前者香口爽脆，後者味道甜美。
牛肉肥美厚肉，仲有表演可以睇添，食落牛味十足，好香軟，但對於我呢個唔太好肉既人黎講，食到第三舊就已經覺得比較膩。
食埋炒野菜後，櫻花蝦炒飯登場，加埋牛肉既肥膏一齊炒，更加惹味。加入大量櫻花蝦後，炒飯香味升級，不過真超大碗，食到我勁飽！
甜品係黃豆雲呢嗱黑糖雪糕🍦黑糖香甜得黎唔會過火😋雪糕口感軟糯，有口感，好滿足既一餐。
我嗌左杯梅干梳打，對於喜愛梅既我簡直欲罷不能。梳打盛載左梅干，似粉紅色既花瓣係水中搖曳，飲落去酸酸甜甜，好幸福！
鮑魚同粒貝真係不得了😍而且啤酒有超多種味道選擇，啱晒鍾意飲酒嘅朋友！價錢比起其他鐵板燒omakase，價錢絕對實惠，服務相當好，食得好舒服，絕對值得再回頭～
張貼
