影片
更多
2007-03-15
25 瀏覽
朋友生日,又鍾意食鐵板燒,經KC推介及各評語一致讚好後,一於去試試.晚飯會比午餐貴就預喇,所以都冇理價錢,佢想食咩就叫. 不過當然套餐就咩都有,會比散叫好. 我地選鮑魚牛扒二人餐. 兩支一合普通sake熱飲. (一合=180ml) (開瓶費要$150,所以冇帶酒,太貴喇)鮑魚極之大隻,有一隻手咁大,當然十分生猛. 當佢被燒時掙扎,真係慘不忍睹. 不過好食就唔理咁多喇,sorry ah,鮑魚,你太好味喇,辛苦你. 肉質鮮甜唔在講,火路剛好,爽口. 師傅叫我地唔使點汁,因為本身已好鮮味. 如果唔計較價錢,鮑魚係必食.有大蝦一隻兩人分,我重食埋蝦頭,好多羔好脆口,總之好食啦. 每人一片銀鱈魚,燒得一邊好脆,好乾身,唔會好油.其實之間師傅已準備蜆湯o既白酒,用錫紙接成容器係鐵板上燒熱. 再加幾隻鮮甜o既蜆去煮一陣,點個火燒d酒表演,咁就食得. 個湯極之鮮味,師傅都話好多客鍾意飲. 係呀,俾多碗我都得呀,真係好鮮甜,而且燒酒精去,唔會太重酒味,又唔會飲醉.大扇貝真係好大,又新鮮,朋友叫我放個酒杯係隔離影相先睇到隻扇貝有幾大. 鮮味,火路剛好又係唔使多講.薄燒牛肉同牛扒都好有肉味,亦都係煮成我地要
晚飯會比午餐貴就預喇,所以都冇理價錢,佢想食咩就叫. 不過當然套餐就咩都有,會比散叫好. 我地選鮑魚牛扒二人餐. 兩支一合普通sake熱飲. (一合=180ml) (開瓶費要$150,所以冇帶酒,太貴喇)
鮑魚極之大隻,有一隻手咁大,當然十分生猛. 當佢被燒時掙扎,真係慘不忍睹. 不過好食就唔理咁多喇,sorry ah,鮑魚,你太好味喇,辛苦你. 肉質鮮甜唔在講,火路剛好,爽口. 師傅叫我地唔使點汁,因為本身已好鮮味. 如果唔計較價錢,鮑魚係必食.
有大蝦一隻兩人分,我重食埋蝦頭,好多羔好脆口,總之好食啦.
每人一片銀鱈魚,燒得一邊好脆,好乾身,唔會好油.
其實之間師傅已準備蜆湯o既白酒,用錫紙接成容器係鐵板上燒熱. 再加幾隻鮮甜o既蜆去煮一陣,點個火燒d酒表演,咁就食得. 個湯極之鮮味,師傅都話好多客鍾意飲. 係呀,俾多碗我都得呀,真係好鮮甜,而且燒酒精去,唔會太重酒味,又唔會飲醉.
大扇貝真係好大,又新鮮,朋友叫我放個酒杯係隔離影相先睇到隻扇貝有幾大. 鮮味,火路剛好又係唔使多講.
薄燒牛肉同牛扒都好有肉味,亦都係煮成我地要o既三成熟,流哂血,正!!!
食到炒飯同炒雜菜已經好飽. 呀,中間仲有雞脾菇添,差d唔記得!!
最後出去沙化飲o野同食甜品都好好安排. 朋友話平時都唔食布甸,但呢個焦糖布甸唔太甜,焦糖味夠焦,我都覺得幾好.
服務細心,侍應解釋唔同sake之分別,亦推介唔會太貴同合我地口味o既酒. 地方闊落,比一般鐵板燒間格好好多,又有privacy. 係沙化要求收細冷氣都好快有人處理,未似之前食友話冇人理. 整體食物,服務都好好. 一定會再.
張貼
