影片
更多
2021-09-02
69 瀏覽
川之源我唔食得太辣，不過耐不耐就想食川菜！今晚去西環一間街坊川菜店，呢度連平日夜晚都有八成入座率，水準應該唔錯⋯⋯ 見好多枱食客叫家常小菜，我都點咗兩餸一湯。先嚟一窩蕃茄蛋花湯($88)，味道酸酸地，入口濕濕地，開胃有益又好飲 (不過我唔明，湯裏面點解要加蒜片？)重慶辣子雞($158)嘅辣度可以度身訂造，我要咗小辣。入口小麻小辣，唔使擔心要邊食邊飲水！雞粒細小，粒粒酥香惹味。干煸花菜($98)炒得乾身，小辣程度，鹹肉醃得鹹而乾身，下飯一流！小店好體貼，為客人免費奉送四川桂花冰粉一碗，作為甜品，又可以解辣。食完一輪重口味食物再食呢個清爽潤喉嘅地道甜品，合時又合適！地址：西環西營盤正街62號地舖
我唔食得太辣，不過耐不耐就想食川菜！今晚去西環一間街坊川菜店，呢度連平日夜晚都有八成入座率，水準應該唔錯⋯⋯
見好多枱食客叫家常小菜，我都點咗兩餸一湯。先嚟一窩蕃茄蛋花湯($88)，味道酸酸地，入口濕濕地，開胃有益又好飲 (不過我唔明，湯裏面點解要加蒜片？)
重慶辣子雞($158)嘅辣度可以度身訂造，我要咗小辣。入口小麻小辣，唔使擔心要邊食邊飲水！雞粒細小，粒粒酥香惹味。
干煸花菜($98)炒得乾身，小辣程度，鹹肉醃得鹹而乾身，下飯一流！
小店好體貼，為客人免費奉送四川桂花冰粉一碗，作為甜品，又可以解辣。食完一輪重口味食物再食呢個清爽潤喉嘅地道甜品，合時又合適！
地址：西環西營盤正街62號地舖
張貼
