興記豬什專門店

營業中

休息中

長沙灣谷友介紹左興記豬什，感覺唔錯，是晚便帶家人去試試。⭐菜乾豬肺蝴蝶腩湯無西洋菜而轉左做菜乾湯，湯頭濃郁鮮味，好多豬肺同蝴蝶腩，料仲多過湯，哈哈，好好飲😋可惜唔夠熱，呢樣要扣分。⭐足料豬什皇河粉小店皇牌食品，近乎每枱都係叫呢樣。我地叫左碗跟河粉，餐牌上寫有十一樣豬什😆黎到真係滿滿一大碗，樣樣都大大件，清理得乾淨無異味🤤⭐馳名胡椒湯飯另一樣點左湯飯，呢味只可選三樣豬什，揀左豬腰、豬心同大腸，同樣大大碗好多什，仲有生菜墊底。至於個胡椒湯，確實係好重胡椒味，有辛辣感但不嗆喉。豬什本身屬白灼原汁原味，如果覺得淡建議點佢附送嘅辣椒豉油外，再加埋枱面辣椒油，佢枱面個樽夠香辣！呢個價錢的確抵食，堂食同外賣都多，小店新開有啲手忙腳亂，行熟左希望可添加水吧，食野少杯凍飲硬係差啲野咁。