影片
更多
2009-11-12
4 瀏覽
11-11-2009超級客氣的 C 氏伉儷又請我食飯, 帶路嚟到呢間靚裝「升呢版」稻香, 因為 C 太太話「一人套餐 weekday $198 咋, 仲免加一茶芥 tim 呀, 星期六日要 $396 0架; promotion 到 11 月 15 號咋!」*, 結果一行 4 人就叫了 4 份「鍾菜一位餐」. 先嚟一杯「健康果汁」(亦可選紅酒), 揀的係西瓜汁, 的確鮮搾, 又無落過糖水的痕跡, 不過唔甜不特止, 味道仲怪怪的 , 飲剩唔少.朋友的「蘋果蘆薈」就係 Fruit Tree 牌 "Apple & Aloe Vera Juice", 真係...自家製甘筍蝦湯魚翅: 賣相十足 lobster bisque , 飲落帶點紅蘿蔔的清甜味, 又有「蝦殼」濃湯味, 質感有點 creamy, 感覺係勁似西湯; 蝦肉大大舊, 肉爽脆結實, 仲有唔少細細「梳」的魚翅增添咬口, 好飲喎 蠔皇鮑魚扣遼參: 用刀叉 serve, 主菜旁邊仲用 yellow mustard (!!) 劃了點花紋, presentation 勁法國菜 feel... 蠔油芡汁唔算杰亦夠味; 鮑魚就好軟滑, 味道濃郁
超級客氣的 C 氏伉儷又請我食飯, 帶路嚟到呢間靚裝「升呢版」稻香, 因為 C 太太話「一人套餐 weekday $198 咋, 仲免加一茶芥 tim 呀, 星期六日要 $396 0架; promotion 到 11 月 15 號咋!」*, 結果一行 4 人就叫了 4 份「鍾菜一位餐」.
先嚟一杯「健康果汁」(亦可選紅酒), 揀的係西瓜汁, 的確鮮搾, 又無落過糖水的痕跡, 不過唔甜不特止, 味道仲怪怪的 , 飲剩唔少.
朋友的「蘋果蘆薈」就係 Fruit Tree 牌 "Apple & Aloe Vera Juice", 真係...
自家製甘筍蝦湯魚翅: 賣相十足 lobster bisque , 飲落帶點紅蘿蔔的清甜味, 又有「蝦殼」濃湯味, 質感有點 creamy, 感覺係勁似西湯; 蝦肉大大舊, 肉爽脆結實, 仲有唔少細細「梳」的魚翅增添咬口, 好飲喎
蠔皇鮑魚扣遼參: 用刀叉 serve, 主菜旁邊仲用 yellow mustard (!!) 劃了點花紋, presentation 勁法國菜 feel... 蠔油芡汁唔算杰亦夠味; 鮑魚就好軟滑, 味道濃郁得有強勁 aftertaste (!); 遼參一樣軟熟, 但味道太淡, 我都係喜歡炆煮又入味一點的.
雲南小瓜珍菌炒球: 其實即翠玉瓜靈芝菇炒斑球, 呢個麻麻哋好食 -- 斑球肉爽帶脆, 鮮味夠; 翠玉瓜夠爽但大家不約而同食到幾舊係苦的; 而且食到最後碟底勁多油漬, 感覺麻麻.
鮮人參湯菜苗: 是日係菜心, 一般嫩一般腍甜; 湯底帶點人參的甘味, 仲落了杞子, 不過作用不大, 而且較薄又有點鹹, 唔建議當湯空口飲.
法式帶子蝦球焗飯: 飯粒乾身, 白汁夠味, 但我覺得份量太少; 蝦球大大隻, 肉爽但無乜味道; 帶子就鮮甜而不夠嫩滑. 點「法式」法無從考究, 加上焗飯我一向麻麻, 唔講太多了.
最後來碗楊枝甘露: 「湯底」薄, 唔夠 / 無花奶香, 柚子帶點苦澀, 芒果唔夠甜, 還是鴻星較好.
食物唔突出, 環境就一流, 靚裝好坐, 燈光昏暗, 你話係酒店中菜廳我都信! 招呼亦比稻香旗下其他酒樓好, 果然係「升呢版」
每人 $198 埋單, 食物水準比我想像中好, 亦有點 fine dining 的感覺, 但其實我唔覺得特別抵食, 如果要俾原價 $396 的話, 就更加咪搞!
不過點都好, 多謝 C 氏伉儷請食飯!
*資料來源: http://www.taoheung.com.hk/tch/promotions/chungs_cuisine/11111.jpg
張貼
