影片
更多
2021-08-07
100 瀏覽
🍽 德美壽司 (尖沙咀)尖沙咀厚福街8號H8 5樓🐽今次又來到「口福街」嘅H8，德美壽司係一間門庭若市嘅中價壽司店。除咗壽司之外佢嘅串燒、鍋物、丼等食物質素都幾有水準，人均$300已經可以食到好滿足了。芝士鰻魚卷 $64 (🧡🧡🧡🤍) 師傅將壽司卷切成四小件方便食用，芝士是微酸帶有奶香嘅忌廉芝士，鰻魚表面有咸咸甜甜的燒汁，略帶油香，屬正常水準。特別值得稱讚嘅係佢嘅青瓜絲，青瓜切成一條條幼絲，食落不會好硬身又有濃濃嘅青瓜清香，以中和濃稠的忌廉芝士。壽司盛盒 德 $398（🧡🧡🧡🤍）壽司盛盒入面有大拖羅、吞拿魚、油甘魚、赤背、池魚、牡丹蝦、帆立貝、三文魚子、海膽、星海鰻、拖羅茸卷。 如果唔係每樣壽司都鍾意食，🐽不建議叫這個set。因為某些食材比較味道較普通，例如星海鰻比較乾，大拖羅則不夠香口肥美。 而其他壽司都係香甜味鮮，幾有水準👍🏼特別嘅係牡丹蝦頭有兩種食法，師傅會問你要「唐揚」定係生食，唐揚蝦頭炸得香脆，連帶蝦殼都可以食清光～燒牛舌 $42（🧡🧡🧡🧡）牛舌厚薄適中，爽口得嚟又唔會韌。燒得好香口，加埋啲檸檬汁，簡直就係絕配，食完就好似同牛牛舌吻咁🌝野菜牛肉鍋 加烏冬 $106 （🧡🧡🧡
尖沙咀厚福街8號H8 5樓
🐽今次又來到「口福街」嘅H8，德美壽司係一間門庭若市嘅中價壽司店。除咗壽司之外佢嘅串燒、鍋物、丼等食物質素都幾有水準，人均$300已經可以食到好滿足了。
芝士鰻魚卷 $64 (🧡🧡🧡🤍)
師傅將壽司卷切成四小件方便食用，芝士是微酸帶有奶香嘅忌廉芝士，鰻魚表面有咸咸甜甜的燒汁，略帶油香，屬正常水準。特別值得稱讚嘅係佢嘅青瓜絲，青瓜切成一條條幼絲，食落不會好硬身又有濃濃嘅青瓜清香，以中和濃稠的忌廉芝士。
壽司盛盒 德 $398（🧡🧡🧡🤍）
壽司盛盒入面有大拖羅、吞拿魚、油甘魚、赤背、池魚、牡丹蝦、帆立貝、三文魚子、海膽、星海鰻、拖羅茸卷。
如果唔係每樣壽司都鍾意食，🐽不建議叫這個set。因為某些食材比較味道較普通，例如星海鰻比較乾，大拖羅則不夠香口肥美。 而其他壽司都係香甜味鮮，幾有水準👍🏼特別嘅係牡丹蝦頭有兩種食法，師傅會問你要「唐揚」定係生食，唐揚蝦頭炸得香脆，連帶蝦殼都可以食清光～
燒牛舌 $42（🧡🧡🧡🧡）
牛舌厚薄適中，爽口得嚟又唔會韌。燒得好香口，加埋啲檸檬汁，簡直就係絕配，食完就好似同牛牛舌吻咁🌝
野菜牛肉鍋 加烏冬 $106 （🧡🧡🧡🤍）
壽喜燒湯底充滿了濃濃的牛肉味，牛肉食落似新鮮牛肉帶有一點牛肉嘅鮮味，而唔似坊間普遍使用既急凍肥牛。入面嘅野菜已經煮到好入味，吸收了滿滿的牛肉湯底😋 份量也是非常充足，細食的人可以唔加烏冬，因為入面已經有粗身粉絲。而加配嘅烏冬是以分開碟另上，導致烏冬味道比較清淡，未能吸收到湯底的味道，口感也不夠煙韌。
（5分滿分，🤍=0.5分）
環境 ：🧡🧡🧡🤍
價錢：🧡🧡🧡
味道：🧡🧡🧡🤍
抵食指數：🧡🧡🧡🤍
張貼
