玖五牛肉麵 (已結業)

叫2碗紅燒半筋半肉出到黎個湯擺明係麻辣，我地問可唔可以換返紅燒點知入面嘅人只答我地無錯單果2碗係紅燒。ok咁我哋咪食囉，食到一半對面客人嘅紅燒半筋半肉啱啱好到左，一望，2個湯底完全唔同。對面客人都話”小姐妳果碗應該係麻辣😐”。食到呢度已經一肚火。但都唔想換因爲第一我地已經食左一大半，第二係並無好食到我地仲想再食。之後另外一位朋友果碗蕃茄湯麵到左，個湯底同對面客人個紅燒牛肉麵一樣，朋友以為錯單所以無食直接問待應，又係同一位待應問返我地轉頭到底有無飲過個湯？有飲到酸味就係蕃茄。之後就走左。朋友飲左一啖淨係講左一句係牛肉味，下一秒就直接見到牛肉碎，佢係全素食者一d肉都唔會食所以一黎直接叫左蕃茄湯麵。可能係我地唔知蕃茄湯麵都係用牛肉湯去煮但店內待應係咪下下都要頂到咁行？搞到最後我地連問嘢都唔敢問。我已經唔知點評論食物質素因爲三個主食已經有兩個唔係我地order嘅食物。錯左單態度差仲要叫我地試左味先換，唔係應該係果度做嘢嘅人會更加清楚湯底嘅咩？老闆娘在場d人嘅態度都咁樣，不在場嘅話係咪連單都唔洗落直接比咩食咩？