影片
更多
2021-08-07
31 瀏覽
平時大家去大西北搵食一定會揀元朗市中心，而今次因為揸車周圍去，誤打誤撞去左呢間位於錦田天空之城又高質素既海鮮蒸氣粥底火鍋。呢個成個天空之城好易搵，而且門口有好多泊車位，岩曬一班揸開車既朋友搵食😋就算唔係揸車，都好近錦上路既西鐵站，好易搵到👍🏻👍🏻呢度分別有5個套餐，由小朋友到大胃王都照顧到！而最貴既套餐亦唔會貴過$400，真係好抵食🤟🏻🤟🏻我地叫左個人氣龍蝦海鮮餐，成個餐都係$268（原價$368），入面已經包括龍蝦🦞（半隻），肉蟹🦀（半隻），蟶子，鮑魚，生蠔，蟲草花蒸雞，海蝦，沙白，花甲，蜆，日本元貝，仲有各式各樣既蔬菜🥬住你夾！呢到仲有個賣點就係你可以自己落去魚缸到揀你心水既海鮮，包括龍蝦，蟹，生蠔同鮑魚。呢種體驗真係好難得👍🏻👍🏻當你返埋位既時候，已經預備好粥底既配料同準備蒸雞啦！枱上面有提示板提示你每樣海鮮蒸既時間，一定唔會蒸到過曬燶！首先蒸好既係蟲草花蒸雞，雞肉好滑同爽口，而且好重杞子味，味道岩岩好。之前就係蒸龍蝦，龍蝦我地揀左波士頓龍蝦，有好多蝦膏，而且蝦肉好爽甜，啖啖肉，完全無浪費既地方。跟住係肉蟹，肉蟹我地揀左隻乸既，所以特別多膏，雖然隻蟹唔大隻，但都好多肉。跟住就係鮑
呢度分別有5個套餐，由小朋友到大胃王都照顧到！而最貴既套餐亦唔會貴過$400，真係好抵食🤟🏻🤟🏻
我地叫左個人氣龍蝦海鮮餐，成個餐都係$268（原價$368），入面已經包括龍蝦🦞（半隻），肉蟹🦀（半隻），蟶子，鮑魚，生蠔，蟲草花蒸雞，海蝦，沙白，花甲，蜆，日本元貝，仲有各式各樣既蔬菜🥬住你夾！
呢到仲有個賣點就係你可以自己落去魚缸到揀你心水既海鮮，包括龍蝦，蟹，生蠔同鮑魚。呢種體驗真係好難得👍🏻👍🏻
當你返埋位既時候，已經預備好粥底既配料同準備蒸雞啦！枱上面有提示板提示你每樣海鮮蒸既時間，一定唔會蒸到過曬燶！
首先蒸好既係蟲草花蒸雞，雞肉好滑同爽口，而且好重杞子味，味道岩岩好。之前就係蒸龍蝦，龍蝦我地揀左波士頓龍蝦，有好多蝦膏，而且蝦肉好爽甜，啖啖肉，完全無浪費既地方。跟住係肉蟹，肉蟹我地揀左隻乸既，所以特別多膏，雖然隻蟹唔大隻，但都好多肉。跟住就係鮑魚，鮑魚新鮮彈牙，好易咬。生蠔大大隻，好厚肉同鮮甜！元具同蟶子我地都加左粉絲同蒜蓉一齊蒸，蒸完一樣好鮮甜，加埋粉絲一齊食，完全係絕配！😋😋而沙白，花甲，蜆同海蝦都好鮮甜同好重要既係唔會有沙！
食完的海鮮梗係要食埋佢既招牌粥底啦，個粥底加左冬瓜，南瓜，芋頭同骨頭黎熬製，再加埋海鮮既鮮味，令成個味道更加昇華！
最後仲會有個椰汁芋頭西米露，個西米露唔會好甜而且用料十足！
整體成個套餐都好抵食！而且海鮮好新鮮又鮮甜，下次一定會再黎食😋😋
🌟🌟🌟🌟🌟
張貼
