燒蝦哈 (已結業)

一班單車友入了元朗踩單車，去完南生圍再入錦田既燒烤場BBQ，朋友話有任食大頭蝦同任飲，比較少見，所以大家都去試試。一去到入返罐凍飲，好彩所有飲品都係任飲，大熱天時真係飲少啖水都唔掂。場地唔似西鐵燒烤場咁大，但地點比較舒服，有山景望同埋好開揚及通風。一開始緊係試下佢既大頭蝦，可能我們比較早，望住佢將一桶桶跳跳紮既蝦倒入魚缸，即夾即燒，特別有風味，而且大頭蝦每隻都充滿蝦膏，蝦肉結實，燒蝦都燒左幾轉。厚切羊架都一定要試，燒熟後外焦內嫩，十分juicy。其他豬扒、牛柳粒、雞翼、腸仔、雜丸及蔬菜都有，足夠食有餘。值得一讚就個用炭燒焗熟食物，所以唔會燒到太燶。