The Point (已結業)

見到open rice 無限好評，加上往年食過，印象中係ok，所以下午茶時間路過燈籠街，喺門口睇左陣menu, 雖然唔見有擺下午茶menu, 不過無所謂，都行左入去。-入去坐低發現有下午茶，可以揀4 個小食，1個芭菲，2杯特飲我地叫左一個bbq醬既辣肉腸pizza, 黑松露薯條，磨菇湯，忌廉泡芙，兩杯菠蘿特飲同埋朱古力brownie芭菲。-食物上枱時，磨菇湯微暖，薯條凍，2隻雞翼凍且好咸，非常失望，個湯算數，雞翼又咬左啖算數，但成個薯條凍冰冰，於是我叫待應換比我，個女仔佢拎到去水吧同個吧個女仔講，水吧個女仔伸長條頸，登大隻眼，打開口個咁望住我坐緊果張枱，我諗我呢個要求都唔係好過份姐，洗唔洗咁既反應呀？我唔介意你地覺得我呢個要求麻煩，但係呢個反應唔應該比我見到？-之後薯條再出黎，熱辣辣，脆脆地，佢亦無比醬我，我都廢時問佢拎，但絕對比食凍同林既野好好多-基本上，明明係可以做得好，但唔做，裝修幾靚都無用！失望！