影片
更多
2015-04-21
1048 瀏覽
推薦：Recommend:1. Custom Pizza ( Pepperonis, Italian Spicy Sausages, Mushrooms, and Mozzarella)2. Linguine Carbonara 3. Loaded Fries同個同事討論完就決定嚟食呢間，揀佢因為我中意食pizza 意粉呢類，而登龍街呢到呢間咁開揚嘅鋪頭又好eye-catching，同埋佢望落去好有質感。坐入去食緊先感覺到，啲人喺出面排小巴，而我就喺入面食嘢，個感受係幾盞鬼！哈！好簡單嘅menu，唔算多選擇，但好多配搭。如果淨計pizza同salad bar嚟足十次都可以食到唔同款！如果得兩個人又唔特別大食嘅話，一個 pizza 加一份loaded fries就啱啱好，如果一個人嚟就可以淨叫一客意粉，或者係一客salad加杯咖啡都係啱啱好。喺呢到食嘢好舒服，除左上面提到嘅莫名快感之外，係呢到畀到一種chill嘅氛圍人，似cafe咁。Menu上面寫著pizza 3分鐘焗起，係假假地，由落單開始要差唔多十五分鐘至二十分鐘，但呢個等待係值得嘅！佢係薄底pizza，上面嘅料比例上啱啱好，而且材
推薦：
Recommend:
1. Custom Pizza ( Pepperonis, Italian Spicy Sausages, Mushrooms, and Mozzarella)
2. Linguine Carbonara
3. Loaded Fries
同個同事討論完就決定嚟食呢間，揀佢因為我中意食pizza 意粉呢類，而登龍街呢到呢間咁開揚嘅鋪頭又好eye-catching，同埋佢望落去好有質感。
坐入去食緊先感覺到，啲人喺出面排小巴，而我就喺入面食嘢，個感受係幾盞鬼！哈！
好簡單嘅menu，唔算多選擇，但好多配搭。如果淨計pizza同salad bar嚟足十次都可以食到唔同款！
如果得兩個人又唔特別大食嘅話，一個 pizza 加一份loaded fries就啱啱好，如果一個人嚟就可以淨叫一客意粉，或者係一客salad加杯咖啡都係啱啱好。
喺呢到食嘢好舒服，除左上面提到嘅莫名快感之外，係呢到畀到一種chill嘅氛圍人，似cafe咁。
Menu上面寫著pizza 3分鐘焗起，係假假地，由落單開始要差唔多十五分鐘至二十分鐘，但呢個等待係值得嘅！佢係薄底pizza，上面嘅料比例上啱啱好，而且材料嘅味道會比其他店濃郁。
喺差唔多時候，店員上埋個loaded fries。呢個喺我眼中係驚喜之作，因為首先喺menu到見到有兩隻芝士同荷蘭醬，之後上枱嘅時候伴隨嘅係黑松露嘅香氣。再者薯條夠脆，亦係金黃色表皮。你話驚唔驚喜丫？
最後就係個 carbonara，一眼望落去係正常意粉size，好討喜，因為我比較唔太好啲太大份嘅意粉。味道則係夠濃，用料都好夠。
上面講到嘅三樣嘢食都係色香味俱全，即係又好睇、又好聞、又好食咁解。
But （總有個but）
嘢飲太貴喇，咖啡價錢還可以，bottle beer 就真係貴得過份左。corona 都要近50一枝，叫唔落架嘛。
另外open kitchen到嘅店員冇戴口罩！
總括嚟講嘢食係物有所值，飲品就貴啲。可以一食再食，希望keep到水準！
張貼
