The Grill Room (The L. Square) (已搬遷) 新店位置

高質扒房，真心好高質。鐘意食羊架，平時自己煎嗰d唔會咁新鮮好味，因為貪平買雪藏，呢度食嘅味道勁fresh,應該係新鮮嘅肉黎！慢煮三文魚配香草乳酪汁慢煮嘅野真係不得了！可以做到中間係睇落唔熟，仲係蝦肉色表面有煎過，好脆。入面嘅肉好鮮美，三文魚油好香，唔似淨係煎嘅咁油膩！炭燒美國安格斯肉眼配薯泥雜菌招牌菜！好大塊牛扒，仲有格紋！5成熟嘅肉，用肉刀好輕易就切得開，中間係粉紅色，唔會流血水。肉質好柔軟，表面有少少海鹽調味，只有新鮮嘅扒先會做到咁好味！三文魚他他配香草煙三文魚加左香草同乳酪醬做成他他，香草同三文魚原來真咁夾！parma ham溫泉蛋配黑松露筍沙律有晒三樣我鐘意嘅野:咸香伴住少少豬油嘅parma Ham, 熟度係只蛋白包住完全生嘅溫泉蛋，配勁新鮮嘅露筍！雪糕麵包布旬配榛子吉士汁平時唔食麵包布旬嘅，因為覺得完全唔好食，但食完呢個，信心返晒黎！原來可以咁好食！好緊密嘅"麵包",味足但唔硬。意大利奶凍配格雷伯爵奶茶奶凍唔會太甜，好彈，奶茶嘅茶味好重，mix埋一齊勁夾！