影片
更多
2022-08-08
731 瀏覽
Pizza maru都係一間成日聽人提起，但我遲遲未去食嘅餐廳，因為覺得每次都係要一大班人share炸雞pizza先盡興。今次嚟希慎本身想去另一間cafe但最後都係臨時變陣上左嚟13樓，又見pizza maru有lunch set就決定試下。見佢lunch set餐牌主要都係意粉、飯同埋pizza依三類，而且好多都加入左韓式元素，覺得幾特別。最後決定同朋友叫左個risotto同埋pizza share食，而且午市套餐亦會包冰茶/汽水。海鮮紫菜意大利飯 ($98)本身睇個名其實對依個飯無咩期待，好似平平無奇咁，但嚟到發現同我想像中嘅都幾唔同。佢嘅risotto係用左周打硯湯煮，食落非常香口creamy而且有鮮味，食完第一啖即刻覺得好驚艷，咁啱我係好中意周打硯湯，有令我覺得好似飲緊湯嘅味道，非常match。覺得依個飯好好食！如果唔係同朋友share嘅話好想一個人食哂成碟。韓式香辣烤腸薄餅 ($98)pizza係9吋regular size，唔好睇佢淨係切左6塊，但其實分量係超級多。pizza係用左韓式辣醬做底層，配料上面有年糕、魚片、腸仔。個人覺得年糕食落有少少過硬，口感好似食緊橡皮...
見佢lunch set餐牌主要都係意粉、飯同埋pizza依三類，而且好多都加入左韓式元素，覺得幾特別。最後決定同朋友叫左個risotto同埋pizza share食，而且午市套餐亦會包冰茶/汽水。
海鮮紫菜意大利飯 ($98)
本身睇個名其實對依個飯無咩期待，好似平平無奇咁，但嚟到發現同我想像中嘅都幾唔同。佢嘅risotto係用左周打硯湯煮，食落非常香口creamy而且有鮮味，食完第一啖即刻覺得好驚艷，咁啱我係好中意周打硯湯，有令我覺得好似飲緊湯嘅味道，非常match。覺得依個飯好好食！如果唔係同朋友share嘅話好想一個人食哂成碟。
韓式香辣烤腸薄餅 ($98)
pizza係9吋regular size，唔好睇佢淨係切左6塊，但其實分量係超級多。pizza係用左韓式辣醬做底層，配料上面有年糕、魚片、腸仔。個人覺得年糕食落有少少過硬，口感好似食緊橡皮...但除此之外其他野嘅味道都ok必須承認依個配搭係幾新鮮，無諗過韓式風味可以同pizza融合，而且唔會覺得好奇怪。餅底厚薄適中，唔會太乾身，不過有啲可惜今次嚟試唔到大家都推薦嘅芝加哥薄餅底。
pizza分量好多，我地兩個人最後都食唔完要打包，懷疑一個人有無可能可以食得哂。以依個價錢$100唔洗，我覺得係幾抵食。同埋覺得依間餐廳嘅氛圍都幾適合一大班人嚟聚餐。
張貼
