更多
2018-07-12
2675 瀏覽
今日同幾個friend食飯 好少幾個friend都會食辣咁就決定去食已經好耐冇食過既韓國野啦呢間韓國野比較特別 主打係烤雞並唔係炸雞 標榜係會比炸雞健康呢間舖頭裝修用上落地玻璃 雖然會見到d大廈 但係日落既時候望到個天既橙黃色都幾好feel 有d座位甚至會見到個鹹蛋黃tim啊我地四個人total叫左四款野食烤雞我地叫左果味蒜香拼甜辣我自己好鍾意食果味蒜香果款 酸味夠濃 醬汁係鹹鹹地有d似喺韓國食果款醬油炸雞 再加d甜甜地既配搭 兩者味道好夾甜辣味就比較常見既 我覺得甜同辣度適中配搭好好烤雞食落冇炸雞咁乾 肉汁可以鎖喺入面 而且唔會有好油既感覺之後就叫左個BBQ醬燒豬肋骨 呢個比我想像中辣左d佢底下配左好多芝士 可以卷住嚟食bbq醬好香濃 甜甜地中和d辣味豬肋骨夠淋唔會痴牙 味道濃郁食韓國野我係一定會叫年糕既 所以就叫左個芝士炒年糕 呢個年糕有埋我超鍾意既魚糕啊個醬辣得嚟又係配上甜味 炒得夠乾身年糕好煙韌 食得過癮雖然佢三個辣 但係我覺得都唔算好辣je最後仲叫左個芝士泡菜炒飯呢個飯跟左紫菜 撈暈曬d料之後可以拉芝啊芝士味道好濃 泡菜唔算太辣但係好夠味呢個飯真係經典不敗啊👍🏼野飲方面我同f
咁就決定去食已經好耐冇食過既韓國野啦
呢間韓國野比較特別 主打係烤雞並唔係炸雞 標榜係會比炸雞健康
呢間舖頭裝修用上落地玻璃 雖然會見到d大廈 但係日落既時候望到個天既橙黃色都幾好feel 有d座位甚至會見到個鹹蛋黃tim啊
我地四個人total叫左四款野食
烤雞我地叫左果味蒜香拼甜辣
我自己好鍾意食果味蒜香果款 酸味夠濃
醬汁係鹹鹹地有d似喺韓國食果款醬油炸雞 再加d甜甜地既配搭 兩者味道好夾
甜辣味就比較常見既 我覺得甜同辣度適中配搭好好
烤雞食落冇炸雞咁乾 肉汁可以鎖喺入面 而且唔會有好油既感覺
之後就叫左個BBQ醬燒豬肋骨 呢個比我想像中辣左d
佢底下配左好多芝士 可以卷住嚟食
bbq醬好香濃 甜甜地中和d辣味
豬肋骨夠淋唔會痴牙 味道濃郁
食韓國野我係一定會叫年糕既 所以就叫左個芝士炒年糕
呢個年糕有埋我超鍾意既魚糕啊
個醬辣得嚟又係配上甜味 炒得夠乾身
年糕好煙韌 食得過癮
雖然佢三個辣 但係我覺得都唔算好辣je
最後仲叫左個芝士泡菜炒飯
呢個飯跟左紫菜 撈暈曬d料之後可以拉芝啊
芝士味道好濃 泡菜唔算太辣但係好夠味
呢個飯真係經典不敗啊👍🏼
野飲方面我同friend share左呢個shark blood
有d syrup喺杯入面 好似鯊魚咬到有血咁 好得意
佢有分有酒精同冇酒精 但價錢係一樣既
有酒精果杯飲落都冇咩酒味
杯野主要係甜甜地既生果味 而且好大杯 同人share就啱啱好啦
我自己幾鍾意食呢間烤雞 食落會覺得冇咁膩
環境舒服又闊落 都幾適合同d friend一齊黎食下飯
張貼