影片
更多
2021-09-02
139 瀏覽
今日同女朋友嚟到銅鑼灣嘅港式極致Tea Pairing餐廳慶祝我哋嘅大日子。我同女朋友兩個都係第一次試Fine Dining。果然呢間餐廳冇令我失望。一入餐廳就見到一個大水吧同冰滴茶座。冰滴茶係用溶咗嘅冰水滴落茶葉，最後慢慢滴成一杯茶。因為冰滴嘅速度好慢，所以每一啖冰滴茶都好珍貴。一坐低就有侍應嚟招呼我哋，先介紹餐廳背景，再畀我哋㨂中意嘅茶杯同茶托。再用我哋㨂咗嘅杯同托嚟上今餐嘅第一杯茶—Welcome Drink嘅冰滴大紅袍。大紅袍有啲酸味得嚟，回甘好香，會停留喺口腔一段時間，唔太苦。連平時唔點飲茶嘅我都覺得好易入口好好飲。實不相暪，我呢個唔點飲茶嘅人㨂呢間餐廳個原因只係因為女朋友好中意飲茶。冇諗過只係杯Welcome Drink已經令我好大驚喜﹗Welcome Drink完咗之後就正式嚟到今餐嘅「序幕」，三款茶盤配三款小食。茶盤上第一杯茶—梅子香普洱係我全晚最有驚喜嘅一杯。聽到佢係普洱本身已經驚驚哋，普洱呢味嘢連日日飲茶嘅屋企人去酒樓都唔會叫，成日形住普洱一定超濃又好苦⋯嘩見女朋友飲得咁開心，噉我都試吓佢啦，點知一啲都唔苦，有陣好清新嘅梅子香﹗講起普洱，佢到中段都有個「入饌」嘅普洱
一入餐廳就見到一個大水吧同冰滴茶座。冰滴茶係用溶咗嘅冰水滴落茶葉，最後慢慢滴成一杯茶。因為冰滴嘅速度好慢，所以每一啖冰滴茶都好珍貴。
一坐低就有侍應嚟招呼我哋，先介紹餐廳背景，再畀我哋㨂中意嘅茶杯同茶托。再用我哋㨂咗嘅杯同托嚟上今餐嘅第一杯茶—Welcome Drink嘅冰滴大紅袍。大紅袍有啲酸味得嚟，回甘好香，會停留喺口腔一段時間，唔太苦。連平時唔點飲茶嘅我都覺得好易入口好好飲。實不相暪，我呢個唔點飲茶嘅人㨂呢間餐廳個原因只係因為女朋友好中意飲茶。冇諗過只係杯Welcome Drink已經令我好大驚喜﹗
Welcome Drink完咗之後就正式嚟到今餐嘅「序幕」，三款茶盤配三款小食。茶盤上第一杯茶—梅子香普洱係我全晚最有驚喜嘅一杯。聽到佢係普洱本身已經驚驚哋，普洱呢味嘢連日日飲茶嘅屋企人去酒樓都唔會叫，成日形住普洱一定超濃又好苦⋯嘩見女朋友飲得咁開心，噉我都試吓佢啦，點知一啲都唔苦，有陣好清新嘅梅子香﹗講起普洱，佢到中段都有個「入饌」嘅普洱雲吞，又係唔苦，飲落好舒服好易入口。忍唔住去問侍應點解呢到啲普洱會同出面飲開嘅普洱咁唔同。侍應話茶樓嗰啲係熟普洱，呢到用嘅係生普洱，所以先可以咁香而不苦。長知識﹗
除咗飲到好茶之外，個Course嘅嘢食都好好食。講真，鮑魚我平時就唔係特別中意食嘅，喺我眼中好多時佢只係名貴嘅無味擦子膠⋯嘩但佢呢個鮑魚一啲都唔硬，仲難得有陣鮮味﹗加埋啲陳皮，香到呢﹗飲埋同佢Pairing嘅冰滴桂花，令到佢嘅鮮味再昇華多一層﹗掂﹗
主菜方面我就㨂咗和牛粉絲。呢舊和牛真係我食過最好食嘅和牛，有油香味但又唔膩，入口即溶。仲配上兩大舊羊肚菌同個煮咗48個鐘嘅京蔥汁，正﹗配埋杯熱嘅白花水仙，包你唔會食到膩。
全餐最後嘅甜品係薑糖火山蕃薯⋯即係澱粉質。唔好話我女朋友啊，連我一個大男人食完個主菜其實都飽咗9成5⋯我女朋友同我一開頭都驚。但啲脆嘅薑焦糖同薑糖嘅Cream 食落一啲都唔滯口，加埋最後嘅白花水仙。好神奇，唔好話我、連我女朋友都亳無痛苦噉食晒成個course﹗如果一定要我㨂，我會話全餐入面我最中意呢個火山蕃薯，係我食過最好食嘅蕃薯﹗蕃薯控必試。
好多人聽到Tea Pairing 都以為係玩 Gimmick，老實講我都係。但當你試過將一杯茶配落本身唔係同佢Pair嘅餸到，又真係Feel到好唔夾。證明呢到每道菜同茶真係well-pairied，唔係只賣gimmick。成個體驗都好特別同難得，懷疑係gimmick嘅人真係要嚟試試佢，試完你就心中有數。
誠心推薦呢間嘢畀所有人，本身好中意飲茶嘅人自然會因為飲到好茶而開心﹔好似我噉本身唔點飲嘅又會令你對茶改觀，值得一試﹗
張貼
