影片
更多
2014-02-28
2435 瀏覽
--Eden Rose Restaurant--由於小妹我生日，家姐同媽咪就帶我去呢間樓上餐廳到食生日飯！成間鋪唔大，只係一個細小單位。但燈光比較暗，每一枱有一個蠟燭，情調浪漫。而餐牌方面分別有散叫、廚師推介及二人套餐。最後我地以散叫形式叫左個鵝肝多士、酥皮焗蟹盒、醬燒西班牙豬肋骨、洋蔥煙內焗美國薯仔及黑松露面包蟹意大利飯。餐廳首先為我們送上三條香味十分濃郁的蒜蓉包及一小碟蕃茄粒。蒜香味十足加上包身十分鬆軟，配埋蕃茄粒真係好好食。隨後侍應為我地送上一碟４件的鵝肝多士，多士同鬆軟的蒜蓉包好唔同，多士脆卜卜配合埋好creamy ge鵝肝，不得了咁好味！跟住就係我最最最鐘意醬燒西班牙豬肋骨！！肉已經完全離骨，即使係用刀叉都唔需要太費力就可以食到。而且肉質又嫰又軟，配合埋帶小小酸的燒汁，真係好食到停唔到口。而配菜重係熱辣辣的薯角！！隨後酥皮焗蟹盒都送到我地面前。老實講，呢個我覺得係有小小貴。份量好小不在話下、味道亦相當一般。實在唔值$128呢個價。而洋蔥煙肉焗美國薯仔我覺得唔錯，薯仔食落有小小似薯蓉。只係洋蔥同煙肉略為少了點，總括而言係唔錯。最後就係！！意大利飯以蟹蓋為碗，蟹香味好濃郁。雖然眼
由於小妹我生日，家姐同媽咪就帶我去呢間樓上餐廳到食生日飯！成間鋪唔大，只係一個細小單位。但燈光比較暗，每一枱有一個蠟燭，情調浪漫。而餐牌方面分別有散叫、廚師推介及二人套餐。最後我地以散叫形式叫左個鵝肝多士、酥皮焗蟹盒、醬燒西班牙豬肋骨、洋蔥煙內焗美國薯仔及黑松露面包蟹意大利飯。
餐廳首先為我們送上三條香味十分濃郁的蒜蓉包及一小碟蕃茄粒。蒜香味十足加上包身十分鬆軟，配埋蕃茄粒真係好好食。隨後侍應為我地送上一碟４件的鵝肝多士，多士同鬆軟的蒜蓉包好唔同，多士脆卜卜配合埋好creamy ge鵝肝，不得了咁好味！
跟住就係我最最最鐘意醬燒西班牙豬肋骨！！肉已經完全離骨，即使係用刀叉都唔需要太費力就可以食到。而且肉質又嫰又軟，配合埋帶小小酸的燒汁，真係好食到停唔到口。而配菜重係熱辣辣的薯角！！隨後酥皮焗蟹盒都送到我地面前。老實講，呢個我覺得係有小小貴。份量好小不在話下、味道亦相當一般。實在唔值$128呢個價。而洋蔥煙肉焗美國薯仔我覺得唔錯，薯仔食落有小小似薯蓉。只係洋蔥同煙肉略為少了點，總括而言係唔錯。
最後就係！！意大利飯以蟹蓋為碗，蟹香味好濃郁。雖然眼見份量好似好少咁，但係食落剛剛好。個人認為如果有機會再去呢間餐廳，黑松露面包蟹意大利飯及醬燒西班牙豬肋骨係值得再點。
鵝肝多士$88
酥皮焗蟹盒 $128
醬燒西班牙豬肋骨 $188
黑松露面包蟹意大利飯 $228
洋蔥煙似焗美國薯仔 $68
題外話/補充資料：
全晚最最最唔滿意係餐廳雖然環境走浪漫風格，理應有一個安靜的環境享受美食。可惜餐廳中心位置坐著一枱十人的食客，嘈到不得了。我認為食飯時頃計唔緊要，但係呢到始終係餐廳，有其他食客。你地頃到咁大聲、笑到咁大聲，完全影響其他食客。
(以上食評乃用戶個人意見 , 並不代表OpenRice之觀點。)
張貼
