影片
更多
2017-03-31
247 瀏覽
今晚約左舊同事食飯，一個天后返工，一個灣仔，我就是受傷的新界人...相約係銅鑼灣，朋友話睇雜誌好想食就一早book左位，地點唔錯，地鐵站對面。呢度唔同一般打邊爐，係川式火鍋，可以揀烤魚/鐵煲，先食左先，再加湯加料，店員推介福壽魚，比較少骨，由於同行朋友唔食得辣，我地叫左唔辣既青檸越式烤魚，吹陣水等野食，估唔到吹水既同時會有前菜，一黎黎左5個前辣，有辣有唔辣，我就當然食下辣啦∼名字都幾得意架，我最中意魚情味豆芽，雖然辣，但係仲加左有一種麻麻地既feel，跳水木耳唔辣，但有一種酸酸地既感覺，好似加左d醋咁，木耳細細片，都係一口木耳。魚黎啦，魚好大條，打開蓋就聞到陣好香既烤魚味，好似有d七味粉，胡椒粉，魚係扁扁地，仲有d青檸味，湯底幾濃味，而且真係唔辣！魚肉幾滑，近鰭位同埋魚尾位都比較滑，骨的確幾少，骨就算發現都係幼身，又細條，怕食魚既都無問題！烤魚除左魚之外，仲有d菜，金菇同d磨菇tim，其實食完魚都飽左三成啦！除左烤魚，當然仲有其他野食啦，有海洋盤，肉盤同菜盤，餐廳會先黎少少呢個盤既菜，肉盤最吸引既當然就係牛切安格斯牛肉，你會見到d牛肉雪花紋理整齊，肉同脂肪既分布平均，血色都好靚，要注意
呢度唔同一般打邊爐，係川式火鍋，可以揀烤魚/鐵煲，先食左先，再加湯加料，店員推介福壽魚，比較少骨，由於同行朋友唔食得辣，我地叫左唔辣既青檸越式烤魚，吹陣水等野食，估唔到吹水既同時會有前菜，一黎黎左5個前辣，有辣有唔辣，我就當然食下辣啦∼名字都幾得意架，我最中意魚情味豆芽，雖然辣，但係仲加左有一種麻麻地既feel，跳水木耳唔辣，但有一種酸酸地既感覺，好似加左d醋咁，木耳細細片，都係一口木耳。
魚黎啦，魚好大條，打開蓋就聞到陣好香既烤魚味，好似有d七味粉，胡椒粉，魚係扁扁地，仲有d青檸味，湯底幾濃味，而且真係唔辣！魚肉幾滑，近鰭位同埋魚尾位都比較滑，骨的確幾少，骨就算發現都係幼身，又細條，怕食魚既都無問題！烤魚除左魚之外，仲有d菜，金菇同d磨菇tim，其實食完魚都飽左三成啦！除左烤魚，當然仲有其他野食啦，有海洋盤，肉盤同菜盤，餐廳會先黎少少呢個盤既菜，肉盤最吸引既當然就係牛切安格斯牛肉，你會見到d牛肉雪花紋理整齊，肉同脂肪既分布平均，血色都好靚，要注意，佢唔係肥牛，係牛肉，唔好以為佢會好靭，入口好爽架！旦家魚皮餃亦不錯，我起初以為係四洲魚皮餃架啫，個餡料就差唔多，但係個皮就出色啦，個皮幾煙靭，好似台灣d肉圓個皮，QQ皮，攞上手都幾晶瑩剔透架！海鮮盤不得不讚，店員Openrice話收藏佢地餐廳，蠔可以轉桶蠔，不得了不得了！記得一定要收藏，隻蠔大隻到不得了！成隻手掌咁大隻，蠔肉好肥美，就係熟左都唔係好縮水咋！菜方面，粟米好甜，生菜亦好脆，顏色都好翠綠呢！
三個盤點夠我地四個大食鬼食呀！我地另外當然另外再叫啦，由於係任食既關係，我地再嗌左其他野，首先當然係白鱔片啦，白鱔片出名貴，呢度既白鱔片唔係薄切，碌完仲係厚厚地，幾飽滿，骨唔算多。芝士竹輪好大件，雖然熟左之後會發漲，但係芝士味重，好似芝心丸咁，一咬就爆醬，好有feel！
鮮牛舌薄切，幾鮮味，幾幼嫩，就算碌熟左都唔會好靭，牛舌有少少咸味，可能係落左鹽，有d鹽味！飲品方面，菊花薑蜜任飲呢下正！佢絕對係真材寶料，甜得黎又有薑味，真係feel到辣味，唔似溝水喎！每人二百幾蚊，都唔錯！
張貼
