影片
更多
2019-02-10
722 瀏覽
一家大細食開年飯，今次簡左格格府，貪佢有特色，環境又好。年初四，7點到步，全場只有三圍，座位舒服鬆動，環境清靜，岩晒驚嘈雜既朋友。一入去就好有古代感，清朝服飾放係門口位置，係可以著黎影相架！裝修擺設都有心思，同出面中餐明顯唔同。我地一行10人，訂左個8人餐加多2份蝦球同湯，另外仲叫多碟水煮魚，份量足。前菜係五福拼盤有肴肉、醉豬手、酸青瓜、麻油木耳、胡麻醬雞絲。當中最好食係木耳同豬手。黃金大阿哥蝦球，原來單價要加97蚊一隻！一上已經好香蛋黃味，大大隻而且新鮮熱辣辣，非常香口夠味，對得住呢個價錢。菊花豆腐湯望落真係幾靚，朵花浮下浮下咁，而且味道唔錯。松子桂花魚，酸酸甜甜，外層香脆，內裹嫩滑。水煮魚麻香味濃，同樣以桂花魚入鐉，無骨又夠滑。重點係佢有大量芽菜同薯粉，吸晒d 麻辣味，好好食。我地叫左中辣，辣度可以接受，而且麻得好過癮。唯一要挑剔既係薯粉可以稍稍再淋身少少同入味少少。蔥油炸子雞一啲都唔鞋口，外皮香脆，水準都係高於預期。至於紅燒小元蹄，份量一啲都唔小，佢會幫我地切開晒一嚿嚿，方便入口。元蹄嘅肉質好淋易入口，肥而不膩。高湯浸菜苗都正常水準。格格府炒飯聽聞幾好食，反而食落有啲不足，飯粒確
年初四，7點到步，全場只有三圍，座位舒服鬆動，環境清靜，岩晒驚嘈雜既朋友。
一入去就好有古代感，清朝服飾放係門口位置，係可以著黎影相架！裝修擺設都有心思，同出面中餐明顯唔同。
我地一行10人，訂左個8人餐加多2份蝦球同湯，另外仲叫多碟水煮魚，份量足。
前菜係五福拼盤有肴肉、醉豬手、酸青瓜、麻油木耳、胡麻醬雞絲。當中最好食係木耳同豬手。
五福臨門
19 瀏覽
0 讚好
0 留言
黃金大阿哥蝦球，原來單價要加97蚊一隻！一上已經好香蛋黃味，大大隻而且新鮮熱辣辣，非常香口夠味，對得住呢個價錢。
黃金大阿哥蝦球
14 瀏覽
0 讚好
0 留言
菊花豆腐湯望落真係幾靚，朵花浮下浮下咁，而且味道唔錯。
菊花豆腐湯
16 瀏覽
0 讚好
0 留言
松子桂花魚，酸酸甜甜，外層香脆，內裹嫩滑。
松子桂花魚
30 瀏覽
0 讚好
0 留言
水煮魚麻香味濃，同樣以桂花魚入鐉，無骨又夠滑。重點係佢有大量芽菜同薯粉，吸晒d 麻辣味，好好食。我地叫左中辣，辣度可以接受，而且麻得好過癮。唯一要挑剔既係薯粉可以稍稍再淋身少少同入味少少。
水煮魚
25 瀏覽
0 讚好
0 留言
蔥油炸子雞一啲都唔鞋口，外皮香脆，水準都係高於預期。
蔥油炸子雞
21 瀏覽
0 讚好
0 留言
至於紅燒小元蹄，份量一啲都唔小，佢會幫我地切開晒一嚿嚿，方便入口。元蹄嘅肉質好淋易入口，肥而不膩。
高湯浸菜苗都正常水準。
高湯浸菜苗
15 瀏覽
0 讚好
0 留言
格格府炒飯聽聞幾好食，反而食落有啲不足，飯粒確係炒到好乾身，粒粒分明。但係味道可以再濃郁少少。可能因為前幾道菜味道都好濃烈，呢碟飯就顯得有啲清淡了。
格格府炒飯
18 瀏覽
0 讚好
0 留言
最後嘅甜品係桂花酒釀丸子，都係一個唔錯嘅選擇黎嘅，唔會死甜，清清地，幾好味。
桂花酒釀丸子
17 瀏覽
0 讚好
0 留言
全程嘅服務都唔錯，該換碟嘅換碟，加茶既加茶。
如果一定要抽一樣嘢出嚟講，就係上菜上得有點過快，前面幾碟都未食完，就已經上另外一樣了，好似有少少趕咁，不過其實都係小小問題姐。
重點係以呢個質素來講，價錢得宜，環境又好，服務又唔錯，食物又精緻。十人份量 set dinner 加水煮魚，包埋加一都係51xx。有得食有得睇有得玩，相信好多出面嘅餐廳都做唔到，下次一定會再嚟。
張貼
