更多
2021-05-30
99 瀏覽
韓燒食得多, 不過之前都係光顧啲任食嘅餐廳。 呢間喜來稀肉由朋友極力推介,所以一試。進店時依稀聽到舖頭職員同老闆娘用韓文溝通,難道餐廳真係咁地道由韓國人開?雖然呢間餐廳燒肉唔係任食,但係配菜同爐邊蛋都係無限添加。 老闆絕對大方。 唔怕你食配菜食到飽。雖然配菜係免費任食,但爐邊蛋同配菜都好有心思,絕不馬虎。 爐邊蛋有兩款口味,一邊芝士,一邊泡菜。泡菜偏辣,唔會好甜,味道是地道韓國質素。呢度燒肉全部散點,所以論價錢一定冇得同其他任食韓燒餐廳比較。不過質素絕對有保證,今次點嘅兩款肉都冇令人失望。牛五花 ($158)牛味香濃,肉同脂肪比例恰到好。雖然未去到入口即溶,但牛質嫩滑,絕對唔韌。護心肉($158)上網睇護心肉係豬的橫隔膜同肝之間嘅部位。每隻豬只有二/三百克,非常矜貴。估唔到158蚊嘅份量可以有咁多。肉質一啲都唔膩,爽滑又彈牙。燒肉夾嘅生菜都係無限refill,唔洗就住就住食。海鮮蔥餅($90)份量都唔少,裏面超多餡又多蔥。 不過最值得欣賞係個醬汁,辣辣地,甜甜地又酸酸地,絕對為蔥餅增添不少色彩。整體餐廳質素好好,唯一挑剔係桌上嘅水唔係冰水。櫈底有得放袋,唔怕整到包包一陣味。
進店時依稀聽到舖頭職員同老闆娘用韓文溝通,難道餐廳真係咁地道由韓國人開?
雖然呢間餐廳燒肉唔係任食,但係配菜同爐邊蛋都係無限添加。 老闆絕對大方。 唔怕你食配菜食到飽。
雖然配菜係免費任食,但爐邊蛋同配菜都好有心思,絕不馬虎。 爐邊蛋有兩款口味,一邊芝士,一邊泡菜。泡菜偏辣,唔會好甜,味道是地道韓國質素。
呢度燒肉全部散點,所以論價錢一定冇得同其他任食韓燒餐廳比較。不過質素絕對有保證,今次點嘅兩款肉都冇令人失望。
牛五花 ($158)
牛味香濃,肉同脂肪比例恰到好。雖然未去到入口即溶,但牛質嫩滑,絕對唔韌。
護心肉($158)
上網睇護心肉係豬的橫隔膜同肝之間嘅部位。每隻豬只有二/三百克,非常矜貴。估唔到158蚊嘅份量可以有咁多。肉質一啲都唔膩,爽滑又彈牙。
燒肉夾嘅生菜都係無限refill,唔洗就住就住食。
海鮮蔥餅($90)
份量都唔少,裏面超多餡又多蔥。 不過最值得欣賞係個醬汁,辣辣地,甜甜地又酸酸地,絕對為蔥餅增添不少色彩。
整體餐廳質素好好,唯一挑剔係桌上嘅水唔係冰水。
櫈底有得放袋,唔怕整到包包一陣味。
張貼