三川居酒屋 (已結業)

銅鑼灣區入夜後，好多餐廳都已經收鋪喇。搵來搵去，都係揀返佢，三川居酒屋！三川居酒屋，位於銅鑼灣廣場一期旁邊的地庫位置，係正電車路旁邊，約朋友的話都唔算難搵。是晚夜食飯，last order 11pm晚餐後仲有宵夜，做到3、4am，慢慢坐飲杯酒都okay的。餐廳地方不大，以木板為主調的裝潢，暖色系燈光，加埋日本的懷舊海報，感覺都幾似係日本的居酒屋。今晚簡單點幾樣食物，志在傾計啦。前菜🍴生蠔來自法國，每位2隻，海水味濃郁，但唔會死咸。新鮮夠凍，不過季節問題，唔算太肥美。🍴刺身三點新鮮肥美，款式大路。🍴鍋物雞丸豆腐野菜鍋清甜簡單，暖暖的豆腐，為整餐加分。🍴炒魷魚鬚惹味開胃，魷魚鬚亦不會太硬。伴菜洋蔥仲好好食。🍴牛肉烏冬合乎水準，烏冬為靚的手打烏冬。🍴一夜干 黃花最正的菜式，油香十足，加上有漬過，咸香十足。肉質非常好，令人非常想再食！！如果諗唔到食咩，呢度會係唔錯的選擇。不過夜少少入座，全單有折，咁就更加抵食喇。