黑門水產すいさん (Fashion Walk)

呢間日本濱燒水產餐廳，喺尖沙咀棉登徑嘅本舖已經開咗好多年，質素唔錯~而銅鑼灣呢間就係新裝修嘅 ，所以過嚟試一試😋。 銅鑼灣店嘅鋪面比較大，同樣係木系裝修，好有日本風情。除咗室內有大量位置之外，室外都有一排檯凳，天氣清涼嘅時候坐喺室外食都幾有feel💕。 ❤黑門令大漁魚子醬脆脆包脆脆包上面嘅材料真係好豐富，食材砌得好靚， 有一絲絲嘅蟹肉、鮮甜嘅海膽、魚子、魚子醬、吞拿魚蓉同蟹子，同埋夠曬凍，作為前菜好正😂。 ❤海膽蟹味噌甲羅燒招牌磯燒菜式，蟹蓋入面有超大舊海膽同埋好多蟹肉，店員會將成碟甲羅燒攞出嚟畀客人影相打卡先，再攞返入去燒。海膽加蟹膏嘅香味非常之濃郁😋。 ❤黑門令海鮮茶碗蒸係高級版嘅茶碗蒸， 入面有鮑魚、魚子醬、小章魚等等， 下面嘅蛋蒸得好滑，成個茶碗蒸感覺好滋補😝。 ❤黑門令、極黑鮑海鮮太卷呢個有啲驚喜，擺盤好別緻， 太卷直情係爆餡料呀 😳，有鮑魚、魷魚、三文魚、吞拿魚、蛋、赤蝦同魚子，大份到唔知點咬😂，而且用咗赤醋飯，比一般壽司飯更加開胃，真係大滿足呀🤩。 ❤柚子胡椒豚肉鍋定食揀咗烏冬底，湯底做得唔錯，熱辣辣而且有柚子粒粒喺湯入面，散發濃郁嘅柚子香味。豚肉份量十足🐷，而且仲有好多