阿來客棧雞煲火鍋 (已結業)

終於比我發現雞煲火鍋一個好地方，這間雞煲師傅班底來自來來雞煲，質素無需質疑，雞肉滑醬汁夠惹味，食完吾會口渴。叫左半隻，份量都好多，值得一提係呢度唔會有太多配菜，只有洋蔥同莞茜，但味道已經非常豐厚，重點係食完都唔會一大灘油，呢啲令我好意外。我地點左小辛辣，味道岩晒我d 吾食得辛辣概人。好欣賞佢嘅即炸響鈴$62堅掂，仲配碟甜酸汁，開胃之餘空口都忍唔住食哂😂下次會試埋佢即炸魚皮，見人家賣相好得。我地仲點左手打蝦丸，雖然份量吾多，但食得出真材實料，堅係手打。兩個人點左大牛肉$338佢概手切牛肉我吾多講，睇相已經講左比大家睇，我覺得超值，因為賣相極靚之餘仲好有牛味，油脂均勻分佈，好軟嫰，睇相就知無得呃除左食物出色外，佢地嘅細心反映左係細節上，我地叫左啤酒除左好凍之外，佢地特別將啲公雞碗雪凍左，鐘意飲啤酒嘅你一定明白。我想講吓呢到概氣氛，好多白領收工來坐，好一個聚脚吹水地方，吾會好嘈，雖然地方不大，但要食好野靜靜地傾計的確吾錯。