影片
更多
2023-06-30
30 瀏覽
今次同朋友黎到宜間新開位於銅鑼灣既鐵板燒，佢地既晚市套餐有兩款，【本 】$588一人 同【 命】$788一人。我地就食左晚餐鐵板燒一人前 $588套餐。首先店員會送上前菜，有沙律同薯蓉。沙律汁酸甜開胃。除左各種酒之外，餐廳仲有幾款特飲選擇。我同朋友就飲左百香果梳打同菠蘿卡爾必思。跟住師傅就會放好接住落黎會食到既食材係我地面前。海鮮方面有北海道帆立貝，車海老同甘鯛。帆立貝肉質厚實，煎到金黃半熟，彈牙又鮮甜，配忌廉菠菜汁。用立鱗燒既方法燒完既甘鯛既魚皮食落脆卜卜，魚肉無骨又厚又嫩滑，配甘荀魚湯忌廉汁更鮮美。車海老大大隻，用左蝦頭既膏同牛油去煎，煎完勁香，蝦肉爽口彈牙，十分惹味。接住落黎就到肉類喇。有黑豚生薑薄餅燒，十分特別，係用煎到脆口既薄餅皮包住豚肉同洋蔥食，外脆內軟，層次豐富。鹿兒島野崎和牛薄燒就係薄牛肉包住香蔥，洋蔥同蒜片咁食，食落口感好有趣，牛肉片好嫩滑軟稔最後既和牛粒，一口食落去係濃郁既牛味同油香，五成熟岩岩好。食完海鮮同肉，仲有炒到好香口既炒飯，炒野菜同魚湯，諗住食飽飽但係仲有甜品😂。甜品係香煎焦糖面包，熱辣辣又脆卜卜，配上凍冰冰既柚子雪芭，真係大滿足!。。本命銅鑼灣邊寧頓街1
首先店員會送上前菜，有沙律同薯蓉。沙律汁酸甜開胃。除左各種酒之外，餐廳仲有幾款特飲選擇。我同朋友就飲左百香果梳打同菠蘿卡爾必思。
跟住師傅就會放好接住落黎會食到既食材係我地面前。海鮮方面有北海道帆立貝，車海老同甘鯛。帆立貝肉質厚實，煎到金黃半熟，彈牙又鮮甜，配忌廉菠菜汁。用立鱗燒既方法燒完既甘鯛既魚皮食落脆卜卜，魚肉無骨又厚又嫩滑，配甘荀魚湯忌廉汁更鮮美。車海老大大隻，用左蝦頭既膏同牛油去煎，煎完勁香，蝦肉爽口彈牙，十分惹味。
接住落黎就到肉類喇。有黑豚生薑薄餅燒，十分特別，係用煎到脆口既薄餅皮包住豚肉同洋蔥食，外脆內軟，層次豐富。鹿兒島野崎和牛薄燒就係薄牛肉包住香蔥，洋蔥同蒜片咁食，食落口感好有趣，牛肉片好嫩滑軟稔最後既和牛粒，一口食落去係濃郁既牛味同油香，五成熟岩岩好。
食完海鮮同肉，仲有炒到好香口既炒飯，炒野菜同魚湯，諗住食飽飽但係仲有甜品😂。
甜品係香煎焦糖面包，熱辣辣又脆卜卜，配上凍冰冰既柚子雪芭，真係大滿足!
。
。
本命
銅鑼灣邊寧頓街13號2樓
。
。
張貼
