上海香港麵家

銅鑼灣食店林立，但係渣甸街仲有一間老字號既上海菜食店屹立不倒。
我同女友去左食晚餐叫左個嫩雞燶麵，排骨菜飯(有兩碗菜飯同埋送例湯)，飲品就叫左甜豆漿。
嫩雞燶麵，有好多雞肉同蔬菜，啲湯底幾清甜，啲麵我就覺得有啲偏韌。

嫩雞燶麵

個排骨菜飯，排骨我覺得炸多左少少，但個菜飯都算唔錯，個例湯都幾有火喉。

排骨菜飯，例湯

至於佢呢度係有甜同咸豆漿既，但我地都偏向飲甜既，不過認真講，佢唔算太甜，難怪好多人一坐低就叫碗豆漿飲。

豆漿

本身想試埋佢出名既餈飯，但太飽就唯有下次啦。不過認真想講就係啲店員服務略為遜色，態度一般，希望有所改善啦。