泰簡單

營業中

休息中

我最鍾意食泰國嘢㗎啦！去到銅鑼灣Thai simple, 真係一啲都唔簡單㗎！我經常都嚟呢間泰國餐廳㗎！因為呢度嘅廚師及侍應都係泰國人，夠晒地道！除此之外，呢度嘅裝修由地下大堂開始就已經係好有泰國色彩！連等候區都好靚㗎，仲有呀，佢有個露天用餐位，如果約埋成班朋友，坐露天位食飯飲嘢，真係好 chill！食物方面，當然有返咁上下水準啦！我至愛嘅冬蔭公 冬陰功湯非常常足料，大大隻嘅蝦爽口彈牙，酸辣度非常適中，夠晒嘢味飲到停唔到口😋烤豬頸肉沙律呢個係沙膽嘅至愛嚟㗎，豬頸肉烤得好香，肥瘦適中，唔單止爽口，肉邊有炭烤嘅香味，再加上醬汁，真係齒頰留香配上生菜🥬及加青瓜🥒中和一下，正皇宮大蝦蛋網炒金邊粉 賣相非常之靚，又有特色，面層的金黃蛋網，非常精緻，睇得出廚師嘅用心！金邊粉夠乾身，拌勻花生碎及辣椒粉，層次感十足，仲要加上皇宮大蝦🍤，爽口彈牙，CP值非常高！仲有不可不記嘅飛天通菜啊！鑊氣十足大滿足🥰餐廳夜晚其實有cocktail飲，可惜揸咗車，所以都係印返杯漫天飛好了！