海饌 - 海鮮牛扒餐廳 (Fashion Walk) (已結業)

銅鑼灣嘅美食街真係幾好feel，鬧市中都可以chill下。呢晚同朋友到訪一間主打海鮮及扒類嘅餐廳，戶外及室內環境都好有情調。凱撒沙律 - 份量好多，味道唔錯，餐廳用上傳統凱撒沙律醬，入面充滿蛋香。沙律菜及各配料味道清新，啱晒鍾意食沙律嘅朋友。時令藍青口煲配紫蘇牛油忌廉汁 - 有兩個分量選擇，分別係300g同600g。青口大大粒，入口鮮甜，一定要讚吓佢嘅紫蘇牛油忌廉汁，非常creamy好味，帶出青口嘅鮮味，呢個係必食推介。西班牙黑毛豬 - 呢個係today’s special，據聞呢種西班牙黑毛豬係食橡木果為主要食糧，佢哋仲會周圍活動，運動量十足。肉質入口非常嫩滑，亦有口感，連配菜嘅蒜頭同薯仔亦烤得非常香脆惹味。餐廳整個氛圍好正，相當有格調，啱晒情侶或朋友食飯傾偈，甚至乎慶祝特別節日。食物質素亦好高，值得推介呀。