影片
更多
2024-02-26
24 瀏覽
前排朋友生日，book咗間好多人推薦嘅高級日本餐廳慶祝下，餐廳嘅設計以簡約木系為主。加上柔和嘅燈光同寬敞嘅座位，坐得好舒服，好適合同朋友聚餐；佢嘅菜式選擇亦都好多，有刺身、火鍋、串燒等，好多菜式都想試，最尾同朋友決定每樣都叫啲黎試下。🥒金山寺味噌胡瓜金山寺味噌帶有麥粒口感，味道甘甜又有豆同米嘅香氣，即使無烹煮過都可以直接食用，好適合配埋小黃瓜一齊食。🦀 松葉蟹肉餅 蟹餅嘅餡料主要係忌廉同蟹肉，口感軟滑細膩，蟹肉嘅份量非常多，每一啖都可以食到一絲絲嘅蟹肉，而外層炸到好香脆，但又唔油膩。🥟 雞皮餃子 👍每次去日本居酒屋都一定會叫雞皮餃子，食之前餐廳職員好貼心提醒餃子岩岩炸好要小心熱。餃子嘅外皮係雞皮，油香十足，炸後外皮金黃酥脆，內餡多汁爽滑，口感軟嫩。🍢免治雞肉軟骨 👍雞肉軟骨亦都係日本居酒屋必點嘅菜式，脆脆嘅雞軟骨配搭嫩滑嘅雞肉，令口感非常豐富，再配上醬汁同日本生雞蛋，口感更加嫩滑。🐟精選刺身拼盤（五款）👍餐廳職員建議我地先食帶子、赤蝦，然後再食池魚、金木鯛，最後先食中拖羅。刺身嘅擺盤好精緻，味道充滿鮮味，再配搭唔同嘅配料，令刺身嘅味道更多層次。🥢帶子 - 配檸檬碎，非常開胃🥢赤蝦 -
🥒金山寺味噌胡瓜
金山寺味噌帶有麥粒口感，味道甘甜又有豆同米嘅香氣，即使無烹煮過都可以直接食用，好適合配埋小黃瓜一齊食。
🦀 松葉蟹肉餅
蟹餅嘅餡料主要係忌廉同蟹肉，口感軟滑細膩，蟹肉嘅份量非常多，每一啖都可以食到一絲絲嘅蟹肉，而外層炸到好香脆，但又唔油膩。
🥟 雞皮餃子 👍
每次去日本居酒屋都一定會叫雞皮餃子，食之前餐廳職員好貼心提醒餃子岩岩炸好要小心熱。餃子嘅外皮係雞皮，油香十足，炸後外皮金黃酥脆，內餡多汁爽滑，口感軟嫩。
🍢免治雞肉軟骨 👍
雞肉軟骨亦都係日本居酒屋必點嘅菜式，脆脆嘅雞軟骨配搭嫩滑嘅雞肉，令口感非常豐富，再配上醬汁同日本生雞蛋，口感更加嫩滑。
🐟精選刺身拼盤（五款）👍
餐廳職員建議我地先食帶子、赤蝦，然後再食池魚、金木鯛，最後先食中拖羅。刺身嘅擺盤好精緻，味道充滿鮮味，再配搭唔同嘅配料，令刺身嘅味道更多層次。
🥢帶子 - 配檸檬碎，非常開胃
🥢赤蝦 - 配三文魚籽同脆卜卜嘅蝦米，口感更豐富
🥢深海池魚 - 配蔥絲，令味道更豐富
🥢金木鯛 - 配紫蘇花，令刺身更吸晴
🥢中拖羅 - 可配紫蘇葉一齊食
🍲鯛魚海鮮鍋 👍👍
呢個海鮮鍋都好豐富，有好多配料，海鮮配料有蠔、鯛魚片、蝦、帶子，每一款都好新鮮，仲有豆腐、菇、粉絲同娃娃菜；鯛魚湯呈奶白色，味道非常鮮甜濃郁，質地濃稠但又唔會太黏太膩，落埋海鮮配料之後，湯底味道更加鮮甜，忍唔住飲咗好多碗湯。
🍜黑蒜豬骨湯拉面
拉面一上檯蒜香撲鼻，可以聞到好濃嘅黑蒜味，豬骨湯同黑蒜油嘅味道相輔相成，再配埋鬆軟鮮味嘅豚肉，令拉面更滋味，而面條偏軟，湯汁可吸附麵條。
張貼
