The Musicbox Grill House & Bar

今次終於要介紹小編們都好鍾意去嘅一間西餐廳！呢度可以話係小編每次食完都好想快啲再encore返去食嘅地方🥹第一次嚟其實都係T小編無意中搵到，點知嗰次食完已經好鍾意呢度，性價比真係好高，同埋食物質素絕對唔會令你失望👍🏻呢到雖然唔係好大，不過都幾啱三四個人嚟聚餐，整體感覺都好舒服同良好~

整體上小編都搵唔到呢度有咩挑剔嘅地方🤣除咗食物質素同性價比好高之外，呢到嘅員工service都好好，每次小編走嗰陣都會對呢到讚不絕口haha 寫完今次個食評嚟緊又要搵機會再去食一次啦🤭

熱辣辣嘅龍蝦湯，超濃郁龍蝦味，飲落好滑，仲有好多龍蝦粒係湯入面😚隔離細細地嘅蒜蓉包都好好食！

$98

呢個意粉係小編們每次嚟到都必叫嘅意粉😋少少哋嘅辣味，再加上好多嘅蒜蓉，係非常惹味。而且仲有勁多大大隻嘅蜆，每粒蜆肉都好飽滿。性價比極高🙌🏻

$188

呢個肉眼扒一啲都唔馬虎，好厚身，都算大塊。

$298

今次小編們嗌咗5成熟，見到生熟程度啱啱好。 肉質仲好粉嫩，牛味肉汁都夠，最重要係識落佢有炭燒嘅味道，真係好不錯🫶🏻食埋啲配菜絕對夠飽。

$298