明記甜品 (已結業)

行過銅鑼灣耀華街見到有間甜品舖新開張，就同男朋友去試吓喇。首先就嗌咗個芒果班戟，就先令我覺得好驚喜嘅就係佢枝叉好靚。係金色叉仲要真係好重手。個班戟嘅賣相普通，唔算好特別。食落就幾好食，個cream同芒果都好好味，cream嘅份量唔會好多，唔算好膩，芒果份量都幾多，同埋都幾新鮮。個皮都幾好食，唔會好腍或者好硬，只係頭尾嗰兩舊個皮多左少少。呢個棉花糖焦糖燉蛋個賣相好靚，食落都好好食。上面係燒脆左嘅棉花糖，外脆內軟，好正，好有BBQ嘅感覺。入面嘅燉蛋都好好食，有好香嘅蛋味。整體而言，呢間甜品都幾特別同幾好食，睇得出係賣相方面都花咗啲心思。大家去開銅鑼灣都可以去試吓呢一間甜品。